اسلام آباد ۔ 18 جنوری (اے پی پی) وفاقی وزیر انسانی حقوق سینیٹر کامران مائیکل آکھیا ہے جو موجودہ حکومت وزیراعظم محمدنواز شریف دے وژن دے مطابق ترجیحی بنیاداں تے مذہبی ہم آہنگی دے ودھارے سمیت بئے بنیادی انسانی حقوق بالخصوص تریمتاں ، بالاں تے اقلیتاں دے تحفظ سانگے جامع قنون سازی کیتی ہے ایندے تے عمل در آمد کیتا ویندا پے جیں نال بین الاقوامی سطح تے پاکستان اچ امیچ چنگاں تھیا ہے ۔آئین پاکستان ملک اچ وسنڑ آلے سارے شہریاں کوں بلا تفریق سارے حقوق دی ضمانت ڈیندا ہے ایں سلسلے اچ وزارت انسانی حقوق تریمتاں بالاں تے اقلیت دے حقوق دی ویلھے نال فراہمی سانگے سارے صوبیں کوں نال گھن تے مطلوبہ اہداف کوں ویلھے نال پورا کرنڑ سانگے کم کریندی پئی ہے ۔بدھ کوں اے پی پی نال گالھ مہاڑ کریندے ہوئیں انہاں آکھیا جو پاکستان اچ بنیادی انسانی حقوق دے تحفظ سانگے اقدامات کیتے گے ہن ایں ضمن اچ مزید قنون سازی کیتی ویندی پئی ہے ۔وفاقی وزیر آکھیا جو آئین پاکستان ملک اچ وسنڑ آلے سارے شہریاں دی بلا تفریق حقوق دی حفاظت کریندا ہے ۔
