مری اچ برف باری دا سلسلہ ولا شروع، مال روڈ تے ہزاراں سیاح پھس گے

اسلام آباد ۔18 جنوری (اے پی پی)مری اچ برف باری دا سلسلہ ولا شروع تھی گیا ہے مال روڈ تے ہزاراں سیاح پھس گے ہن ۔نجی ٹی وی چینل دے مطابق ملکہ کوہسار مری اچ برف بار ی دا سلسلہ شروع تھیونڑ دے بعد سردی دی شدت اچ ودھار ا تھی گیا ہے ۔سیاحواں دی وڈی تعداد برف باری کوں ڈیکھنڑ مری پج گی ہے جیں پاروں اکثر رستے بند تھی گے ہن تے سیاحواں دی ودھ ساری تعداد مال روڈ تے پھس گی ۔ٹریفک پولیس حکام دا آکھنڑ ہے جو سیاحواں دی کثرت پاروں ٹریفک دا نظام متاثر تھیا ہے ۔حکام لوکاں توں اپیل کریندے ہوئیں آکھیا ہے جو او اوکھ توں بچنڑ سانگے مری اچ آونڑ توں گریز کرن ۔