اسلام آباد ۔ 18 جنوری (اے پی پی)برطانوی ماہرین داآکھنڑ ہے جو ورزش امراض قلب دے خطرے کوں گھٹ کرنڑ دے نال نال طویل عمر ی دی ضانت ہے ۔ برطانوی یونیورسٹی آف کیمرج دے ماہرین دی تحقیق نال اے گالھ سامنڑے آئی ہے جو کھیڈ نہ صرف عام زندگی اچ فٹ رکھیندے ہن جو کئی جان لیوا امراض توں وی دور رہندے ہن ۔کھیڈ تے تحقیق سانگے صحت دے 11سروے دا جائزہ گھدا گیا جیرھا جو 1994توں 2008وچال ہن ایندے اچ 80ہزار توں ودھ لوکاں دا ڈیٹا حاصل کیتا گیا جیں دی اوسط عمر 52سال ہئی ۔سروے کوں دوران ہر فرد توں 4ہفتے اچ ایجھی ورزش بارے پچھیا گیا جیں نال انہاں دا ساہ چڑھیا ہویا تے انہاں کوں پسینہ آیاہویا ہئی ۔ایندے علاوہ انہاں توں باغبانی تے بیاں سرگرمیاں بارے پچھیا گیا ۔انہاں اچ صرف 44فیصد شرکا ہی ایندے معیار تے پورا لتھے جو او باقاعدہ ورزش کریندے ہن انہاں لوکاں اچ 9سال تئیں نظر رکھی گی تے انہاں اچ 8790لوک وفات پاگے جیں اچوں 1909ہارٹ اٹیک یا فالج دی وجہ توں مریے ۔ماہرین دا آکھنڑ ہے جو ادھی عمر اچ انہاں 6کھیڈاں اچوں ہک کوں ضرور اختیار کرن جیں اچ تیراکی، ایئروبکس، سائیکلنگ، ریکٹ اسپورٹس، ایروبکس اتے تکھی دوڑ شامل ہے تاں جو تساں امراض قلب تے بلڈپریشر سمیت بیاں بیماریاں توں محفوظ رہ تے طویل عمر گزار سگو۔
