اسلام آباد ۔ 20 جنوری (اے پی پی) وزیراعظم محمد نواز شریف آپنڑیں دورہ سوئٹزرلینڈ دے دوران چنگے انداز اچ پاکستان دی معاشی طاقت کوں اجاگر کیتی اتے ملک کوںہک ایں طرح دی ایسی محفوظ سرمایہ کار منزل دے طور تے پیش کیتے جیکوں کئی گلوبل پلیئر کھو نہیں سگدا۔ ڈیووس دے منجمد درجہ حرارت اچ جتھاں معروف عالمی تاجر رہنما واںورلڈ اکنامک فورم اچ وزیراعظم عالمی پلیٹ فارم اُتے آپنڑیں پیغام اچ معیشت اتے سیکورٹی دے شعبے اچ پاکستان دیاں کامیابیاں کوں اجاگر کیتا۔ وزیراعظم نواز شریف مختلف بین الاقوامی کمپنیاں دے چیف ایگزیکٹو افسراں دے نال ملاقات دے دوران انہاں پاکستان دی پرکشش معاشی اتے سرمایہ کار پالیسیاں بارے ڈسایا اتے انہاں ملک دی معاشی بحالی توں فیدہ چاونڑ دی دعوت ڈتی۔ وزیراعظم ہک عالمی ماحول دے قیام دی لوڑ اُتے وی زور ڈتا جتھاں عالمی معیشت دی بحالی اتے بھرپور ترقی تھیوے ۔ انہاں عالمی اقتصادی فورم اچ آپنڑیں شرکت کوں عالمی مفکراں، پالیسی سازاں اتے تاجر رہنماواں دے نال ملاقات دا موقع قرار ڈتے ، جیہڑے جو لوکیں دے مستقبل دی تشکیل کریندے ہے ۔ ناروے دے وزیراعظم ارنا سولبرگ نال ملاقات اچ وزیراعظم تجارت اتے ترقی دے شعبے اچ تعاون دے نویں امکانات دا جائزہ گھدا۔ ڈوہائیں رہنماوا ں آپنڑیں ملکاں دے مفاد اچ ڈوطرفہ تعلقات کوں بیا مضبوط بنڑاونڑ دے عزم دا اظہار کیتا۔ سویڈن دے وزیراعظم سٹیفن ایل فیون دے نال ملاقات دے دوران سرکاری اتے عوامی سطح اُتے قریبی طور تے کم کرنڑ دا جائزہ گھدا گئے ۔ وزیراعظم سویڈن دے وزیراعظم کوں مقبوضہ جموں و کشمیر دی صورتحال اُتے پاکستان دی تشویش اتے بیگناہ کشمیریاں دی حالت زار بارے ڈسایا۔ سوئس کنفیڈریشن دے صدر ڈورس لیوتھرڈ نال ملاقات اچ وزیراعظم آکھیا جو پاکستان مختلف شعبیاں اچ ڈوطرفہ سانجھے داری اچ ودھارا چاہندے ۔ انہاں نیوکلیئر سپلائرز گروپ دی رکنیت بارے غیر امتیازی اپروچ دا وی جائزہ گھدا۔ اقوام متحدہ دے سیکرٹری جنرل انتونیو گٹریس دے نال ملاقات اچ وزیراعظم آکھیا جو کشمیر ہک عالمی تنازعہ ہے جیہڑ ا جو اقوام متحدہ دی سیکورٹی کونسل دے ایجنڈے اچ شامل ریہے ۔ انہاں اقوام متحدہ دے سیکرٹری جنرل کوں جموں و کشمیر سمیت سارے حل طلب مسلیاں دے حل کیتے بھارت دے نال مربوط مذاکراتی عمل دی لوڑ اتے پاکستان دے مؤقف بارے وی ڈسایا۔ مسئلہ کشمیر کوں اجاگر کرنڑ دے سلسلے اچ وزیراعظم دیاں کوششاں دے جواب اچ اقوام متحدہ دے سیکرٹری جنرل یقین ڈیوایا جو او پاکستان سمیت علاقے دے ملکاں کیتے بہوں تعمیری اتے مثبت کردار ادا کرن۔ معروف کمپنیاں دے سربراہواں نال گول میز اجلاس دے دوران وزیراعظم انہاں کوں پاکستان اچ سرمایہ کاری دی دعوت دی پیشکش کیتی۔ جنہاں معروف کمپنیاں دے چیف ایگزیکٹو وزیراعظم نال ملاقات کیتی انہاں اچ چیف ایگزیکٹو آفیسر ایگزیکٹو منیجنگ ڈائریکٹر جاپان بینک فار انٹرنیشنل تادا شی مائدا، چیف ایگزیکٹو آفیسر اینڈ چیئرمین انگریڈی اون انکارپوریٹڈ یو ایس اے مادام ایلیی گورڈن، چیف ایگزیکٹو آفیسر دے او سی ہولڈنگ ترکی لیونٹ کاکی روگ لو، چیف ایگزیکٹو آفیسروصدر ٹیلی نار گروپ سگیو بریکی، ایگزیکٹو وائس پریذیڈنٹ نیسلے مادام وینگ لینگ، ہیڈ پبلک افیئرز نووا ریٹس اے جی سوئیٹزرلینڈ مادام پیٹرا لاکس اتے گلوبل پارٹنرشپس سوئز ری مینجمنٹ لمیٹڈ برطانیہ، ویسٹرن یورپ دے چیئرمین مارٹین پارکر شامل ہن ۔ وزیراعظم نواز شریف آکھیاجو پاکستان اچ خصوصی اقتصادی زونز موجود ہن جیہڑے جو سرمایہ کاراں کوں پلانٹ اتے مشینری دی ڈیوٹی فری درآمد دی سہولت فراہم کریندے ہن ۔ ملنڈا گیٹس فائونڈیشن دے سربراہ بل گیٹس وزیراعظم نواز شریف نال ملاقات اچ گزریل ترائے سالیں اچ پاکستان توں پولیو وائرس کوں مکاونڑ دی زبردست کامیابی دی تعریف کیتی۔ وزیراعظم انہاں کوں پولیو دے مہلک وائرس دے خلاف قومی جدوجہد اچ آپنڑیں حکومت دے اقدامات بارے ڈسایا۔ علی بابا گروپ دے چیئرمین جیک ما نے وزیراعظم نال ملاقات اچ پاکستان اچ سرمایہ کاری اچ گہری دلچسپی دا اظہار کیتے اتے آن لائن بزنس وینچر دے بئے فروغ کیتے ای کامرس پلیٹ فارم دے قیام کیتے تعاون دا اظہار کیتا۔ انہاں آکھیا جو انہاں دا ملک پاکستان اچ سرمایہ کاری اچ وڈی دلچسپی رکھیندے ۔ وزیراعظم ورلڈ اکنامک فورم دے چیئرمین کلاز شواب نال وی ملاقات کیتی اتے انہاں ڈسایا جو سیکورٹی اتے توانائی دے شعبیاں اچ بہتری پاروں باہرلے ملکاں ملک توں بزنس گروپ ہنڑ پاکستان اچ سرمایہ کاری چاہندے ۔
