اسلام آباد ۔ 25 جنوری (اے پی پی) وزیراعظم محمد نواز شریف آکھیا جو جاپان کوں قریبی دوست اتے بااعتماد شراکت دار منیندوں،آپریشن ضرب عضب دے نتیجے اچ ملک اچ امن و امان دی صورتحال اچ نشابر بہتری آئی اے،سرمایہ کاری سانگے جاپانی کمپنیاں دا خیر مقدم کریندوں۔انہاں اے گالھ پاکستان اچ جاپان دے سفیر تاکاشی کورائی نال بدھ کوں ایوان وزیراعظم اچ گالھ مہاڑ کریندیں ہوئیں آکھی۔وزیراعظم ڈو پاسہ تعلقات تے زور ڈیندیں ہوئیں آکھیا جو پاکستان ڈوہاں ملکاں وچال خصوصی طور تجارت،سرمایہ کاری،بنیادی ڈھانچے اتے توانائی دے شعبیاں اچ تعاون ودھاونڑ دی خواہش رکھیندے۔جاپان دے سفیر ایں موقع تے آکھیا جو پاکستان اچ سکیورٹی،انفراسٹرکچر اتے کاروبار دوست ماحول دے شعبیاں اچ نشابر چنگائی آئی اے۔
