وزیراعظم محمد نواز شریف دی عالمی اقتصادی فور دے اجلاس دے موقع تے سوئس کنفیڈریشن دی صدر ڈورس لتھ بارڈنال ملاقات اچ گالھ مہاڑ

ڈیووس ۔ 18 جنوری(اے پی پی)وزیراعظم محمد نواز شریف آکھیا جو پاکستان بھارت نال سارے پرانڑے تنازعے حل کرنڑ چاہندن،بھارت مقبوضہ کشمیر اچ انسانی حقوق دی خلاف ورزیاں بند اتے اقوام متحدہ دی سلامتی کونسل دی قرارداداں تے عملدرآمد کرے،سوئزرلینڈ دی این ایس جی دی رکنیت بارے سوچ قابل تعریف اے،اساکوں توقع اے جو این ایس جی دا اہم حصہ ہوونڑ دے ناطے سوئزرلینڈ آپنڑے اصولی موقف کوں برقرار رکھیسی ،پاکستان دی سلامتی براہ راست افغانستان اچ امن تے استحکام نال جڑی ہوئی اے۔پاکستان افغانیاں دی آپنڑے امن اتے مفاہمتی عمل دی حمایت اتے ایں بارے سہولت ڈیونڑ سانگے پرعزم اے۔وزیراعظم محمد نواز شریف بدھ کوں عالمی اقتصادی فورم دے 47ویں سالانہ اجلاس دے موقع تے سوئس کنفیڈریشن دی صدر ڈورس لتھ بارڈنال ملاقات کیتی۔وزیراعظم انہاں ڈینھاں سوئزرلینڈ اچ ایں عالمی فورم اچ شریک تھیونڑ سانگے موجود ہن جتھاں او عالمی رہنمائواں اتے دنیا دی چوٹی دی کارپوریٹ کمپنیاں دے سربرہواں نال ملاقاتاں اتے انہاں کوں پاکستان دی کامیابیاں بارے ڈسیسین۔سوئزرلینڈ دی صدر نال ملاقات وچال پاکستان اتے سوئزرلینڈ آپسی فائدے سانگے تعاون دے نویں رستے گولنڑ تے اتفاق کیتے۔