وزیر اعظم 14اگست کو ں نویں اسلام آباد ایئرپورٹ دے نال نال نویں میٹرو بس سروس دا افتتاح کریسن
اسلام آباد ۔ 10 جنوری (اے پی پی) وزیراعظم محمد نواز شریف وفاقی درالحکومت اچ پشاور موڑ توں نیو اسلام آباد ایئرپورٹ تئیںنویں میٹرو بس دی وختی تعمیر دی ہدایت کیتی ہے جڈاں جواو14اگست کوں نویں اسلام آباد ایئرپورٹ دے نال نال نویں میٹرو بس سروس دا افتتاح کریسن۔ وزیر اعظم توںسیکرٹری مواصلات ڈویژن اتے چیئرمین این ایچ اے شاہد اشرف تارڑ منگل کوں وزیراعظم ہاﺅس اچ ملاقات کیتی اتے انہاں کوں ملک اچ جاری شاہراتی منصوبیں تے پیشرفت بارے ڈسایا۔ ایں موقع تے وزیراعظم آکھیا جو ملک دی اجتماعی سماجی تے اقتصادی اتے دور افتادہ علاقیں کوں سوکھی رسائی ڈیونڑ سانگے سڑکاں دا جال نا گزیر ہے جیں نال تجارت اتے معاشی سرگرمیاں اچ وسیع موقع پیدا تھیسن ۔وزیراعظم پشاور موڑ کوں نیوں اسلام آباد ائیر پورٹ نال ملاونڑ آلی اسلام آبادمیٹرو بس لنک دی وختی تعمیر دی وی ہدایت کیتی ۔وزیراعظم کوں ڈسایا گیا جو ایں منصوبے تے تقریبا 18ارب روپے دی لاگت امسی اتے ایندے روٹ تے 14بس سٹاپ ہوسن ۔وزیراعظم 14اگست کوں نویں اسلام آباد ائیر پورٹ دے نال نال نویں میٹرو بس سروس دا وی افتتاح کریسن ۔
