زیورخ (سوئٹزرلینڈ) ۔ 16 جنوری (اے پی پی) وزیراعظم محمد نواز شریف عالمی اقتصادی فورم دے 47 ویں سالانہ اجلاس اچ شرکت کیتے سنوار کوں اتھاں پج گئے ۔ بیگم کلثوم نواز اتے وزیراعظم دے معاون خصوصی طارق فاطمی وی انہاں دے نال ہن ۔ زیورخ انٹرنیشنل ایئرپورٹ اُتے جنیوا اچ اقوام متحدہ مشن اچ خصوصی نمائندہ اتے سفیر تہمینہ جنجوعہ اتے سینئر سوئس حکام انہاں دا خیرمقدم کیتا۔ وسیع تر سماجی ہم آہنگی اتے انسانی ترقی دے فروغ دے مقصد دے حامل عالمی اقتصادی فورم 17 توں 20 جنوری تئیں ڈیووس اچ تھیسی ۔ وزیراعظم عالمی اقتصادی فورم دے ایگزیکٹو چیئرمین پروفیسر کلاز شواب دی دعوت اُتے اے دورہ کریندے پئے ہن ۔ وزیراعظم ایں موقعے تے پاکستان دی اقتصادی کامیابیاں اتے مثالی کاروباری تے سرمایہ کاری موقعاں کوں اجاگر کرنڑ دے نال نال براہ راست غیر ملکی سرمایہ کاری راغب کریسن۔ ایں سال اجلاس دا موضوع ”مؤثر اتے ذمہ دار قیادت” ہے جیندے اچ 2017ء دے دوران قیادت دے اہم چیلنجز اُتے توجہ مرکوز کیتی ویسی ۔ 47 ویں اجلاس اچ حکومت، کاروباری اتے سول سوسائٹی توں تقریباً ترائے ہزار رہنما جمع تھیسن۔ انہاں اچوں ہک تہائی یورپ، شمالی امریکہ توں باہر جڈانجو ہک تہائی کاروباری اتے حکومت دے علاوہ معاشرے دی نمائندہ شخصیات ہوسن۔ وزیراعظم محمد نواز شریف ڈیووس اچ متعدد سربراہان مملکت تے حکومت اتے تاجر رہنماوا ں نال ملاقاتاں وی کریسن۔ ا و ورلڈ اکنامک فورم دے چیئرمین پروفیسر کلاز شواب نال وی ملاقات کریسن۔ وزیراعظم دی سویڈن، ناروے اتے سری لنکا دے وزراء اعظم دے نال ملاقاتاں دے علاوہ ہالینڈ دی ملکہ میکسیما دے نال ملاقات وی متوقع ہے۔ ایندے علاوہ وزیراعظم ڈیووس اچ اقوام متحدہ دے نویں سیکرٹری جنرل انٹو نیو گیوٹریس اتے صدر سوئٹزرلینڈ ڈورس لیتھرڈ نال وی ملاقات کریسن ۔ دفتر خارجہ دے بیان دے مطابق وزیراعظم ”پاکستان اچ سرمایہ کاری: نویں حقیقت” دے موضوع اُتے تقریباً 60 سرکردہ کاروباری رہنماوا ں دے ہک وڈے گروپ نال خطاب کریسن۔ وزیراعظم نواز شریف ہک گول میز کانفرنس اچ شریک تھیسن،جیندے اچ او چیدہ چیدہ تاجر رہنماوا ں دے ہک گروپ دے نال پاکستان اچ رونما تھیونڑآلی اقتصادی تبدیلیاں اتے ملک اچ سرمایہ کاری اتے اقتصادی موقعاں بارے تبادلہ خیال کریسن۔ عالمی اقتصادی فورم دا سالانہ اجلاس عالمی معیشت اتے سیاسی مسائل اُتے آپسی مذاکرات دا پلیٹ فارم مہیا کریندے ۔ وزیراعظم ڈیووس ایں بارے آپنڑیں رائے دا اظہار کریسن۔ عالمی اقتصادی فورم دے سالانہ اجلاس اچ وزیراعظم محمد نواز شریف دی شرکت نال پاکستان اچ کاروباری، سرمایہ کاری اتے تجارتی موقعے توں عالمی برادری کو ںآگاہ کرنڑ اچ وی مدد ملسی ۔ سالانہ اجلاس 2017ء دا افتتاح چین دے صدر شی جن پنگ کریسن جنہاں نال چینی عہدیداراں دا ہک وڈا وفد وی ہوسی ۔ سالانہ اجلاس دے پروگرام دیاں 400 نشستاں اچوں ادھایاں توں ودھ وسیع تر سماجی ہم آہنگی اتے انسانی ترقی دے فروغ کیتے حکمت عملی اُتے مرکوز ہوسن۔ ہک ہزارتوں ودھ کمپنیاں دے سی ای اوز ایں فورم اچ شریک تھیسن۔
