وزیراعظم محمد نواز شریف ملتان میٹرو بس سروس دا افتتاح کرڈتا

28ارب 88 کروڑ روپے لاگت نال پوری تھیونڑ آلی سروس 25 تعلیمی اداریں، 15 ہسپتالاں تے بیاں مارکیٹاں کوں رلا ڈیسی
اسلام آباد ۔ 24 جنوری (اے پی پی) وزیراعظم محمد نواز شریف 18 کلو میٹر ملتان میٹرو بس سروس دا افتتاح کرڈتا۔ منگل کوں وزیراعظم گورنر پنجاب رفیق رجوانہ، وزیراعلیٰ پنجاب محمد شہباز شریف اتے بئے دے نال ملتان میٹرو بس سروس دا افتتاح کیتا۔ وزیراعظم محمد نواز شریف ملتان میٹرو بس سٹاپ چونگی نمبر 9 دا دورہ کیتا۔ وزیراعظم محمد نواز شریف میٹرو بس سروس تے سفر کرتے سہولتاں دا جائزہ گھدا۔ وزیرقانون پنجاب رانا ثناءاﷲ اتے بئے حکام وی انہاں دے نال ہن ۔ میٹرو بس ملتان اچ 95 ہزار لوک روزانہ بہترین سفری سہولتاں توں فائدہ چا سگدے ہن ، 18 کلو میٹر طویل میٹرو بس سروس تے21 اسٹیشن بنڑائے گے ہن۔ ہر 700 میٹر دے بعد بس سٹاپ بنڑایا گیا ہے ، اتھاں ای ٹکٹنگ دا نظام رائج تھیسی جڈاں جو ایندا کرایہ سستا ہوسی۔ میٹرو بس ملتان اچ 25 تعلیمی اداریں، 15 ہسپتالاں تے بہوں مارکیٹاں کوں ملا ڈیسی ۔ تریمت تے معذور لوکاں سانگے ایندے اچ مخصوص سیٹاں ہوسن۔ میٹرو بس سروس بہاﺅ الدین ذکریا یونیورسٹی توں شروع تھی تے بوسن روڈ، ہمایوں روڈ، دولت گیٹ، حافظ جمال روڈ، بی سی جی چوک، وہاڑی روڈ توں تھیندا ہویا چوک کمہاراں تے مک ویسی ۔ ایں منصوبے تے 28 ارب 88 کروڑ روپے لاگت آئی ہے۔ ایں منصوبے سانگے 265 کنال زمین ملھ گھدی گی۔ ابتدائی طور تے 35 بساں مسافراں کوں سفری سہولتاں ڈیسن۔