وزیرا عظم نواز شریف دا اسلام دے سکولاں کوں نویاں بساں دی فراہمی دی تقریب توںخطاب

Pakistan's Prime Minister Nawaz Sharif speaks during a news conference with Thailand counterpart Yingluck Shinawatra (not pictured) at the Prime Minister's residence in Islamabad August 20, 2013. REUTERS/Mian Khursheed (PAKISTAN - Tags: CIVIL UNREST POLITICS)

بال پاکستان دا مستقبل اتے معمار ہن ،حکومت نویں نسل کوں معیار ی اتے جدید تعلیم دی فراہمی تے خصوصی توجہ ڈیندی پئی ہے
بالاں کوں ہر ممکن بہترین سہولتاں دی فراہمی سانگے سارے اقدامات کیتے ویسن
اسلام آباد ۔ 11 جنوری (اے پی پی) وزیراعظم محمد نوازشریف بالاں کوں پاکستان دا مستقبل قرار ڈیندے ہوئیں آکھیا ہے جو موجود حکومت نویں نسل کوں خاص معیاری اتے جدید تعلیم دی فراہمی تے خصوصی توجہ ڈیندی پئی ہے اساں سارے رل تے اپنڑے ملک کوں خوبصورت ،خوشحال تے مضبوط بنڑیسوں ،بال نشوم من دے سچے ہوندے ہن قوم دے نونہال میڈی جان ہن میکوں انہاں تے فخر ہے انہاں کوں ہر ممکن سہولتاں ڈیونڑ سانگے سارے اقدامات کیتے ویسن ۔بدھ کوں اتھاں اسلام آباد اچ وزیراعظم تعلیمی اصلاحات پروگرام دے تحت اسلام آباد دے سکولاں اچ طالب علم تے طالبات سانگے ٹرانسپورٹ دیاں سہولتاں دے حوالے نال نویاں بساں دی تقریب توں خطاب کریندے ہوئیں وزیراعظم آکھیا جو بال پاکستان دا مستقبل تے معمار ہن ۔بال انشاءاللہ پاکستان کوں مزید مضبوط بنڑیسوں ۔اساں جیرھا کجھ وی اپنڑے ملک سانگے کریندے پیوں بال ایندے توں 100گناہ ودھ کریسن اساں چاہندوں جو ہر سکول خوبصورت ہووے اتھاں بہترین ماحول ہووے تے بالاں کوں ساریاں سہولتاں دستیاب ہوون ۔وزیراعظم آکھیا جو سرکاری سکولاں اچ پڑھائی دا معیار چنگاں ہوونڑاں چاہیدا ہے جڈاں بال سکول اچ داخل تھیسن تاں خوش تھیسن ۔انہاں مریم نواز شریف کوں ہدایت کیتی جو اسلام آباد دے سارے 422سکولاں دیاں عمارتاں بہترین ہوونڑیاں چاہیدیاں ہن جڈاں جو انہاں اچ تعلیم دا معیار وی چنگاںہوونڑاں چاہیدا ہے ۔انہاں ایں حوالے نال ڈاکٹر طارق فضل چوہدری کون وی آکھیا جو تعلیم دا معیار چنگاں ہووے تے بالاں کوں داخلہ میرٹ تےملے جڈاں جو تعلیمی ادریں اچ استاداں دی تقرری وی میرٹ تے ہوونڑیں چاہیدی ہے اساڈے سارے کم میرٹ تے ہوون ۔انہاں آکھیا جو سارے سکولاں سانگے ہک ہک بس لازمی ہوونڑیں چاہیدی ہے تاں جو بالاں کوں سکول آونڑ ونجنڑ اچ سہولت ہووے ۔وزیراعظم آکھیا جو پروگرام دے تحت 200بساں دی خریداری دا وختی انتظام کیتا ونجے تاں جو ٹرانسپورٹ دیاں سہولتاں وختی توں وختی ڈتیاں ونج سگن ۔وزیراعظم میئر اسلام آباد کوں خصوصی ہدایت کیتی جوشہر دیاں سڑکاں ،سٹریٹس لائٹاں دی چنگائی تے شہر کوں صاف ستھرا بنڑاونڑ سانگے خصوصی اقدامات کیتے ونجن اتے اسلام آباد کوں صاف ستھرا ماڈل سٹی بنڑایا ونجے ۔ ۔ وزیراعظم محمد نوازشریف آکھیا جو بہارہ کہو دے علاقے اچ ہک بائی پاس بنڑاونڑ دی ضرورت ہے تاں جو سکول آمدورفت دے دوران بالاں دا قیمتی ضائع نہ ہوون ۔۔ انہاں آکھیا جو وزیراعظم ایجوکیشن ریفارمز پروگرام دے تحت مریم نوازشریف وفاقی دارالحکومت دے نونہالاں تے خصوصی توجہ ڈیندی پئی ہے تے سپیشل بالاں تے وی خصوصی توجہ ڈتی ویسی۔وزیراعظم دعا کیتی جو اللہ تعالیٰ سارے بالاں تے انہاں دے ماءپیو کوں خوشیاں ڈیوے ۔وزیراعظم آکھیا جو اللہ سئیں اساکوں اپنڑے مک دی خذمت تے توفیق ڈیوے انہاں دعا کیتی جو اللہ سئیں سارے بالاں کوں رل تے پاکستان دی خذمت کرنڑ آلا بنڑاوے ۔پروگرام دے چھیکڑ اچ وزیراعظم بالاں دے نال رل تے بس دے ماڈل دا تیار کردہ خصوصی کیک وی کٹیا تے سکول بساں دیا ں چابیاں بالاں دے حوالے کیتیاں۔تقریب اچ وزیر اعظم دی صاحبزادی محترمہ مریم نواز شریف ‘ وزیرمملکت اطلاعات ، نشریات تے قومی ورثہ مریم اورنگزیب ‘ وزیرمملکت کیڈ ڈاکٹر طارق فضل چوہدری اتے اعلی حکام سمیت ‘ سکولاں دے بالاں ‘ خصوصی بالاں تے ‘ استاداں تے طالب علماں دے ماءپیو ودھ ساری تعداد اچ شرکت کیتی ۔