اسلام آباد ۔ 19 جنوری(اے پی پی) وزیرمملکت اطلاعات، نشریات تے قومی ورثہ مریم اورنگزیب آکھیا جو قوم کوں گمراہ کرنڑ دی کوشش کرنڑ آلیاں کوں ناکامی دے سوا کجھ کائنا ملسی،وزیرا عظم محمد نواز شریف قوم نال جتنے خطاب کیتن او ریکارڈ دا حصہ ہن ،پانامہ کیس اچ او دستاویزات عدالت اچ جمع کرویندے پئیوں جنہا دا ذکر وزیراعظم آپنڑے خطاب اچ کیتا ہا ایں دے پچھوں عمران خان آپنڑی دائر کیتی گئی پٹٰشن تے ہک وی ثبوت عدالت اچ پیش کائنی کر سگیے ،عمران خان کوں وزیراعظم محمد نواز شریف دا کامیاب دورہ ڈیووس مبارک تھیوے،ملکی ترقی اتے خوشحالی سانگے فیتے کٹیندے رہسن۔بدھ کوں اتھاں میڈیا نال گالھ مہاڑ کریندیں ہوئیں انہاں آکھیا جو عمران خان عدالت دے باہر کوڑ مریند،عمران خان ڈے آکھںڑ سانگے اج کجھ کائنا ہا،تحریک انصاف دے وکیلاء اج ٹیکس چوری اتے منی لانڈرنگ تے کوئی گالھ کائنی کیتی ،ہنڑ عمران خان ڈے صرف او کُوڑ اے جئیں دا او ولا ولا آکھدے پئن جو وزیراعظم پارلیمان اچ کوڑ الائے ۔انہاں آکھیا جو مسلم لیگ ن دے وکیل عدلات اچ سارے ثبوت پیش کر چکین ،اے گالھ ثابت تھیندی پئی اے جو محمد نواز شریف دا پانامہ دستاویزات نال کوئی تعلق کائنی ،اے وی ثابت تھیندا پئے جو مریم نواز وزیراعظم دی کفالت اچ کائنی ۔
