اسلام آباد ۔ 10 جنوری (اے پی پی) وزیراعظم محمد نواز شریف آکھیا جو توانائی دے بحران ،امن و امان دے قیام اتے معیشت دی بحالی جیہے وڈے مسئلیاں تے قابوپا گھد ا گئے ،تعمیر تے ترقی دے منصوبیاں نال بیروزگاری مُک ویسی اتے ملک اچ خوشحالی امسی،180ارب روپے دے پیکیج دے تحت اقدامات نال ملکی برآمدات اچ کئی گناہ ودھارا تھیسی،خواہش اے جو زراعت تے صنعت دے شعبے تکھے اگوں ودھن ،پاکستان دی معاشی کارکردگی دا عالمی سطح تے اعتراف کیتا ویندا پئے ۔او منگل کوں اتھاں تجارت دے ودھارے سانگے اقدامات دی تقریب نال خطاب کریندے پئے ہن ۔۔ وہ منگل کو یہاں تجارت کے فروغ کیلئے اقدامات کی تقریب سے خطاب کر رہے تھے۔ وفاقی وزیر خزانہ سینیٹر اسحاق ڈار، وفاقی وزیر تجارت خرم دستگیر، وفاق ایوانہائے صنعت و تجارت پاکستان (ایف پی سی سی آئی)دے صدر زبیر طفیل، آل پاکستان ٹیکسٹائل ملز ایسوسی ایشن دے چیئرمین عامر فیاض شیخ، وزرائ، ارکان پارلیمنٹ اتے معروف برآمد کنندگان اتے کاروباری شخصیات وی تقریب اچ موجود ہن ۔وزیر اعظم آکھیا جو 180ارب روپے دی پیکیج نال کاروبار اتے برآمدات اچ کئی گناہ ودھارا تھیسی ،ایں توں پہلے کاشتکاراں دی ترقی سانگے وی پیکیج ڈتا گئیا ہئی ،خواہش اے جو زراعت اتے صنعت ڈوہاں شعبے تکھے ترقی کرن جئیں نال بے روزگاری اتے جہالت مکسی اتے ملک اگوں ودھسے ۔
