کٹاس راج ۔ 11 جنوری (اے پی پی)وزیر اعظم محمد نواز شریف بدھ کوں اتھاں چکوال اچ واقع ہندوواںدے تاریخی مندر کٹاس راج اچ واٹر فلٹریشن پلانٹ داافتتاح کیتا ۔ اے واٹر فلٹریشن پلانٹ مندردے مقدس امرت جل تالاب دی جاہ تے قائم کیتا گیا ہے جیرھا جو یاتریاں کوں پیونڑ دا صاف پانڑیں فراہم کریسی ۔وزیراعظم مندر دے احاطے اچ پودا لاتا ۔انہاں کٹاس راج دے مختلف حصے ڈٹھے جتھاں انہاں دی تاریخی اہمیت دے حوالے نال ڈسایا گیا ۔ایںموقع تے وفاقی وزیر مذہبی امور سردار محمد یوسف اتے چیئرمین متروکہ وقف املاک بورڈ صدیق الفاروق وی وزیر اعظم دے نال ہن۔
