اسلام آباد ۔ 27 جنوری (اے پی پی)وزیر داخلہ چوہدری نثار علی خان آکھیا جو فیصلے چوکاں اتے چوراہواں تے نی تھیندے جڈانجو عدالت اتے پارلیمان اچ تھیندن،داخلی انتشار اتے خلفشار دا شکار قوماں کڈاہیں ترقی نی کر سگدی،عام پاکستانی غلط روش دے خلاف آپنڑی آواز چاوے،کرپشن دے خلاف نعرے لاکراہیں عوام کوں بے وقوف بنڑایا ویندا پئے ،حکومت شاہراواں،انٹرچینج بنڑا کراہیں عوام دی زندگی سوکھی کریندی پئی اے،تلخی،محاذ آرائی،مندے اتے تشددکوں روکنڑاں پمسی۔جمعہ کوں اتھاں نگجانی انٹرچینج (ایم ون موٹروے)دے افتتاح دے موقع تے تھیونڑ آلی تقریب نال خطاب کریندیں ہوئیں انہاں آکھیا جو سنگجانی انٹرچینج توں نہ صرف ڈبلیو ٹی اتے بئی سوسائٹیاں ادے رہنڑ آلیاں جڈانجو ایں علاقہ دے سارے لوکاں کوں فائدہ تھیسی۔انہاں آکھیا جو پاکستان دا مستقبل دھرنے،محاز آرائی،دھمکیاں،مندے اتے دیوار کھڑی کرنڑ نی سڑکاں،انٹرچینج بنڑاونڑ اتے عوام دی زندگی سوکھی کرنڑ اے۔
