اسلام آباد ۔ 30 جنوری (اے پی پی) وزیر داخلہ چوہدری نثار علی خان آکھیا جو امریکہ دے اجوکے اقدامات نال دہشت گرداں دا کجھ کائنا تھیسی جڈانجو دہشت گردی دے متاثرین دی اوکھ اچ ودھارا تھی ویسی اتے دہشت گردی دے خلاف بین الاقوامی اتحاد اتے یکجہتی دا ضیان تھیسی،مسلمان اتے اسلامی ملکاںدہشت گردی دا ساریاں توں ودھ نشانہ بنڑین ۔جماعت الدعوة بارے صورتحال کل تئیں نشابر تھی ویسی۔سنوار کوں ایگزیکٹو پاسپورٹ آفس دے افتتاح د ے موقع تے صحافیاں نال گالھ مہاڑ کریندیں ہوئیں جماعت الدعوة بارے ہک سوال دا جواب ڈیندیں ہوئیں انہاں آکھیا جو کل تئیں صورتحال نشابر تھی ویسی،اے جماعت2010-11ء توں انڈر آبزرویشن اے اتے اقوام متحدہ دی فہرست اچ وی شامل اے،جیڑھے اقدامات ایں بارے کیتے ونجنڑے ہن او نی تھی سگے۔کل تئیں ایں دی صورتحال نشابر تھی ویسی۔لاپتہ بلاگرز دی بازیابی بارے سوال دا جواب ڈیندیں ہوئیں وزیرداخلہ آکھیا جو وزارت داخلہ لاپتہ بندیاں بارے جیڑھے اقدامات کیتے ہن انہاں کوں عام کرنڑ دی لوڑھ کائنی ،میں سینیٹ اچ ایں بارے تقریر کیتی ہئی او وی ریکارڈ تے موجود اے،چیئرمین سینیٹ کوں وی ایں معالہ بارے ڈسدیندا رہیاں،وزارت داخلہ ایں بارے جیڑھے اقدامات کیتن او ریکارڈ تے ہن اتے لاپتہ بندیاں دے اہلخانہ انہاں دے معترف ہن ۔
