گوجرانوالہ ۔ 23 جنوری (اے پی پی) وزیر مملکت اطلاعات نشریات تے قومی ورثہ مریم اورنگزیب آکھیا جو پاکستان کوں ایٹمی پروگرام پہلا صحت پروگرام ایجوکیشن ریفارمز اتے سی پیک جہے ملکی تقدیر بدلنڑ آلے منصوبے نواز شریف ڈتن،وزیراعظم محمد نواز شریف کوڑے الزامات دے باوجود عوام دے دل اچ دھڑکدن اتے پورے ملک دی عوام نواز شریف کوں آپنڑاں قائد منیندی اے ،کوڑے الزام لاونڑ آلیاں کوں عدالت توں کڈاہیں انصاف نی ملدی ،2018دے عام انتخابات اچ ہک واری ولا وزیر اعظم محمد نواز شریف کوں عوام وزیراعظم چنڑسی،جنہاں لوکاں مریم نواز ڈے گندی اکھ نال ڈتھے اوندا مقابلہ عوام دا ٹھاٹھیں مریندا سمندر کریسی ۔جئیں کوں آپنڑے گھراں اچ بیٹھی دھی،بھینڑیں دا احترام کائنی او کہیں دی بھینڑ،دھی دا احترام کینویں کر سگدن۔وزیر اعظم محمد نواز شریف لوکاں دی دعائیں سمیٹین جڈانجو عمران خان الزامات توں انج کوئی کم کرنڑ دے قابل کائنی جئیں دامنہ بولیندا ثبوت اے ہے جو انہاں ساڈھے ترائے سالیں وچ کے پی کے اچ کوئی ہک ترٹا ہوئیا پل بنڑایا،نہ کہیں ہسپتال دے اندر وارڈ اتے نہ کہیں سکول اچ کوئی کمرہ بنڑوایا،او کینویں نواز شریف یا شہباز شریف دا مقابلہ کر سگدن۔او سنوار دی ڈوپہریں کوں گوجرانوالہ اچ ورکرز کنونشن نال خطاب کریندی پئی ہن ۔ایں موقع تے وفاقی وزیر ریلوے خواجہ سعد رفیق وزیر مملکت عثمان ابراہیم سابق ایم این اے محمد حنیف عباسی بلال ورک شازیہ فرید وی موجود ہن ۔
