وزیر مملکت برائے اطلاعات تے نشریات و قومی ورثہ مریم اورنگزیب دی میڈیا نال گالھ مہاڑ

اسلام آباد ۔ 17 جنوری (اے پی پی) وزیر مملکت برائے اطلاعات تے نشریات ، قومی ورثہ مریم اورنگزیب آکھیا جو عمران خان ترائے سالیں تئیں کُوڑ الاونڑ اتے انتشار دی سیاست کرنڑ تے قوم توں معافی منگن،انہاں دی پٹیشن دے کتنے حصے عدالت اچ پڑھ کراہیں سنڑائے گئن جئیں تے پی ٹی آئی دے وکیل دلائل ای پیش نی کیتے اتے پٹیشن دے انہاں حصیاں اچوں عمران خان خود اتے انہاں دے وکیل پچھوں ہٹ گئن ۔وزیر اعظم کہیں وی تقریراچ،چاہے او پارلیمنٹ دے اندر ہووے یا باہر،کوڑ کائنی الایا اتے نہ ای انہاں اچ کوئی تضاد اے اتے نہ ای وزیراعظم عدالت توں کہیں قسم دا استثنیٰ منگیے۔سپریم کورٹ دے باہر میڈیا نال گالھ مہاڑ کریندیں ہوئیں انہاں آکھیا جو عمران خان آپنڑی پہلی پٹیشن اچ آکھیا جو وزیراعظم میاں نواز شریف خود کوں برطرف کر ڈتا ونجے کیونجو انہاں ٹیکس چوری کیتی اے،انہاں دی پٹیشن دے کتنے حصے عدالت اچ پڑھ کراہیں سنڑائے گئن جنہاں تے پی ٹی آئی دے وکیل دلائل ای پیش کائنی کیتے اتے پٹیشن دے انہاں حصیاں اچوں عمران خان خود اتے انہاں دے وکیل پچھوں ہٹ گئن ۔مریم اورنگزیب آکھیا جو گزریل ڈینھ عمران خان میڈیا تے آکھدن رہین جو وزیراعظم یوٹرن گھندے پئن اتے انہاں عدالت توں استثنیٰ منگیے۔