اسلام آباد ۔ 25 جنوری (اے پی پی)وزیر مملکت برائے اطلاعات نشریات تے قومی ورثہ مریم اورنگزیب آکھیا جو مریم نواز تے کوڑے الزامات لاونڑ توں چنگا اے جو عمران خان آندے سال تھیونڑ آلے عام انتخابات دی تیاری کرن۔بدھ کوں سپریم کورٹ دے باہر میڈیا نال گالھ مہاڑ کریندیں ہوئیں انہاں آکھیا جو عمران خان پانامہ لیکس بارے اتے مریم نواز تے کوڑے الزام لاونڑ دی بجائے2018ء دے انتخابات دی تیاری کرن کیونجو انہاں انتخابات اچ مریم نواز دا مقابلہ کرنڑاں اے۔انہاں آکھیا جو اج عدالت اچ واضح طور آکھیا گئے جو جنہاں دستاویزات بارے وڈے وڈے انکشافات تھیونڑ دا دعویٰ کیتا ویندا پئے او عدالت ڈے پہلے توں موجود ہن ۔حقیقت اچ تحریک انصاف اے ڈرامہ کریندی اے جو انہاں دستاویزات نال کوئی وڈا انکشاف تھیونڑ آلا اے اصل اچ انہاں دا مقصد پانامہ لیکس تے سیاست کرنڑ اے۔انہاں آپنڑے کیس اچ اے دعوی کیتا ہا جو مریم نواز وزیراعظم دی کفالت اچ ہن اتے پراپرٹیز دی بینیفیشل اونر ہن ۔وزیراعظم دے وکیل عدالت اچ اے ثابت کر ڈتے جو وزیراعظم محمد نواز شریف دا کہیں قسم دی پراپرٹی یا بزنس اچ کوئی تعلق کائنی ۔اے ثابت تھی گئے جو انہاں کوڑے الزام لائے ایں سانگے اے مریم نواز شریف توں خوفزدہ ہن ۔انہاں عدالت اچ یکاآلی کار جعلی اتے نقلی دستاویزات پیش کیتی جو انہاں دی جمع کرائی گئی دستاویزات اچ مریم نواز دے ترائے مختلف دستخط موجود ہن ،انہاں کوں اے سمجھ نی امدی جو عدالت اچ سیاست نی کیتی ونج سگدی۔
