اسلام آباد ۔ 21 جنوری (اے پی پی) وزیر مملکت اطلاعات ، نشریات و قومی ورثہ مریم اورنگزیب پارا چنار اچ دھماکے دی شدید مذمت اتے جاں بحق افراد دے ٹبراں نال ودھ ساری ہمدردی دا اظہار کریندے ہوئیں آکھے جو ایں طرح دے بزدلانہ حملے پاکستانی قوم دے حوصلے گھٹ نہیں کرسگدے ، حکومت آخری دہشتگرد کوں مکا تے سکھ دی ساہ گھنسی ۔ امن دے دشمناں نال آہنی ہتھاں نال نبڑیا ویسی ۔ چھنڑ چھنڑ کوں اتھاں جاری بیان اچ وزیر مملکت کرم ایجنسی دے شہر پارا چنار اچ بم دھماکے دی شدید مذمت کیتی اتے آکھیا جو معصوم شہریاں کوں نشانہ بنڑاونڑاں بربریت ہے۔ وزیر مملکت آکھیا جو ایں طرح دیاں کارروائیاں کرنڑآلے ملک دی ترقی اتے امن دے دشمن ہن ۔ پاکستان دے عوام دشمناں دے عزائم دے حوصلے نال مقابلہ کریندے پئے ہن ۔
