وفاقی وزیر خزانہ سینیٹر اسحاق ڈاردی صدارت اچ ششماہی اقتصادی کارکردگی جائزہ اجلاس ،ملکی اقتصادی کارکردگی تے اطمینان دا اظہار

اسلام آباد ۔ 2 جنوری (اے پی پی)وفاقی وزیر خزانہ سینیٹر اسحاق ڈار ،ملکی اقتصادی کارکردگی تے اطمینان دا اظہارکریندیں ہوئیں آکھیا جو ملک اچ اقتصادی سرگرمیاں اتے سرمایہ کاری ودھدی پئی اے،مالی سال2016-17ء دے پہلے چھی مہینیاں اچ جی ڈی پی دی شرح نمو اچ ودھارا جڈانجو نرخاں اچ استحکام رہیا۔او سنوار کوں ششماہی اقتصادی کارکردگی جائزہ اجلاس دی صدارت کریندے پئے ہن ۔انہاں آکھیا جو پاکستان دی جی ڈی پی دی شرح نمو ودھی اے جڈانجو مہنگائی دی شرح چار فیصد توں تلے رہی۔جولائی توں دسمبر2016ء وچال افراط زر دی شرح 3.88فیصد رہی جیڑھی جو نرخاں اچ مسلسل استحکام کوں ظاہر کریندی اے۔وزیر خزانہ آکھیا جو ایں مالی سال دے پہلے چھی مہینیاں اچ ایف بی آر دی کارکردگی ست فیصد رہی جیڑھی جو ابتدائی مہینیاں اچ پیش آونڑ آلے شارٹ فال کوں پورا کرنڑ بارے کوششاں دی عکاس اے،اے شارٹ فال صارفین کوں پٹرولیم مصنوعات تے ریلیف ڈیونڑ اتے سیلز ٹیکس ریفنڈ دی مد اچ ادائیگیاں پاروں پیش آیا۔