وفاقی وزیر رانا تنویر حسین دا پاکستان نیوی انجینئر نگ کالج دے 28ویں کانووکیشن توں خطاب

اسلام آباد ۔ 12 جنوری (اے پی پی) وفاقی وزیر دفاعی پیداوار رانا تنویر حسین آکھیا جو حکومت ملک اچ ٹیکنالوجی اتے تحقیق دے کلچر کوں ودھاونڑ تے خصوصی توجہ ڈیندی پئی اے،پاکستان نیوی انجینئرنگ کالج پاکستان سمیت 14بئے ڈوست ملکاں دی بحری فوج سانگے کوالٹی انجینئرز مسلسل ڈیندا پئے،پاک بحریہ دے تدریسی ادارے آپنڑے طلباء اچ علمی،پیشہ وارانہ،اخلاقی اتے ذہنی تے جسمانی صلاحیتاں کوں اجاگر کرنڑ تے مبارکباد دے مستحق ہن۔او خمیس کوں پاکستان نیوی انجینئر نگ کالج دے 28ویں کانووکیشن توں خطاب کریندے پئے ہن ۔نسٹ دے ریکٹر لیفٹیننٹ جنرل (ر) نویر زمان اتے کمانڈر کراچی رئیر ایڈمرل فرخ احمد ‘ وفاقی وزیر رانا تنویر دا استقبال کیتا۔کانووکیشن اچ کل 361طلباء کوں ڈگریاں ڈتی گئی جنہاں اچوں 80طلباء 281طلباء انجینئر نگ اتے مینجمنٹ انفارمیشن سسٹم اچ بیچلرز دی ڈگری حاصل کیتی۔آپنڑے متعلقہ شعبے اچ نمایاں کارکردگی دا مظاہرہ کرنڑ آلے 39طلباء کوں میڈلز وی ڈتے گئے جنہاں اچوں 20صدارتی گولڈ میڈلز، 6چیف آف دی نیول اسٹاف گولڈ میڈلز، 7چانسلرز سلور میڈلز اتے6 ریکٹر گولڈ میڈلز شامل ہن۔ تقریب نال خطاب کریندیں ہوئیں مہمان خصوصی وفاقی وزیر برائے سائنس اینڈ ٹیکنالوجی رانا تنویر حسین طلباء کوں انہاں دی پیشہ وارانہ کامیابی تے مبارک باد ڈتی۔