کٹاس راج ۔ 11 جنوری (اے پی پی)وفاقی وزیر سائنس و ٹیکنالوجی رانا تنویر حسین آکھیا ہے جو پاکستان آبی وسائل تے موسمیاتی تبدیلی دے اثرات نال ساریں توں ودھ خطرے توں ڈو چار ملکاں اچ شامل ہے۔پاکستان ایں گلوبل چیلنج نال نبڑنڑ سانگے عالمی کوششاں فعال کردار ادا کریند اپیا ہے ۔پانڑیںتوں متعلق تھنک ٹینک ذیلی کمیٹی داقیام پاکستان انجینئرنگ کونسل دااہم اقدام ہے۔وزارت سائنس تے ٹیکنالوجی اپنڑی ذیلی تنظیماں دے زریعے خوشحال اتے ترقی پسند پاکستان وژن دے حصول سانگے کوشاں ہے۔انہاں خیالاں دا ظہار انہاں بدھ کوں پاکستان انجینئرنگ کونسل(پی ای سی) اچ پاکستان اچ آبی وسائل اتے موسمیاتی تبدیلی دے اثرات توں متعلق ہک ڈینھ مشاورتی ورکشاپ توں خطاب کریندے ہوئیں کیتا۔رانا تنویر حسین پی ای سی دیاں کوششاں کوں سرہیندے ہوئیں آکھیا ہے جو پاکستان انجینئرنگ کو نسل قومی ضرورتاں دے مطابق نہ صرف انجینئرنگ دے پیشے کوں ودھارا ڈیونڑ اچ پیش پیش ہے بلکہ ملک اچ آبی وسائل دی گھٹکی ساریں توں اہم مسلیں کوں وی نشابر کرنڑ سانگے کوششاں کریندا پیا ہے انہاں آکھیا جو پاکستان موسمیاتی تبدیلی دے اثرات خاص طور تے ایندے آبی وسائل ساریں توں ودھ خطرے توں ڈو چا ملکاں اچ شامل ہے ۔
