اسلام آباد اچ ہکے ویلھے پنجگانہ نمازدی ادائیگی تے پوری طرح عمل نی تھی سگیا، ایں سلسلے اچ ہر قسم دیاں رکاوٹاں دور کیتیاں ویسن
کراچی کوئٹہ پشاور اتے لاہور اچ صلوٰة کمیٹیاں قائم کیتیاں ویسن
اسلام آباد ۔ 6جنوری (اے پی پی) وفاقی وزیر مذہبی امور سردار محمد یوسف آکھیا ہے جو اسلام آباد اچ ہکے ویلھے پنجگانہ نمازدی ادائیگی تے پوری طرح عمل نی تھی سگیا، ایں سلسلے اچ ہر قسم دیاں رکاوٹاں دور کیتیاں ویسن،کراچی کوئٹہ پشاور اتے لاہور اچ صلوٰة کمیٹیاں قائم کیتیاں ویسن۔جمعے کوں جامع مسجد محمدیہ ایف 6اچ نماز جمعہ دے موقع تے اجتما ع توں خطاب کریندے ہوئیں انہاں آکھیا جو دنیا دے بہوں سارے ملکاں اچ ہک ہی وقت اچ اذان تے نماز تھیندی ہے ۔پاکستان اسلا م دے ناں تے حاصل کیتا گیا ہے ایندی قدر کرنڑیں چاہیدی ہے ۔انہاں آکھیا جو بوسنیا جیہوجے ملک اچ وی نماز دا ہک ہی وقت مقرر ہے تاں پاکستان اچ ہک ہی وقت اچ اذان کیوں نی تھی سگدی ۔انہاں آکھیا جو اسلام آباد دے سارے مکاتب فکر دے علما ہک سانجھا کیلینڈر تیار کیتا ہے جیں تے عمل تھیونڑاں چاہیدا ہے ۔انہاں آکھیا جو اساں سختی دے قائل کائنی جیرھیاں رکاوٹاں ہوسن دور کریسوں ۔
