وفاقی وزیر مذہبی امور سردار محمد یوسف دا امن کانفرنس نال خطاب

اسلام آباد ۔ 22 جنوری (اے پی پی) وفاقی وزیر برائے مذہبی امور و بین المذاہب ہم آہنگی سردار محمد یوسف آکھے جو اسلام اعتدال پسندی اتے امن و سلامتی دا سبق ڈیونڑ آلا مذہب ہے۔ اے گالہیں انہاں اتوار کوں اتھاں پاک چائنا سینٹر اچ مکالمہ اتے امن کانفرنس نال خطاب کریندے ہوئیں آکھیاں ، جیندا ا ہتمام وزارت مذہبی امور کیتا ہئی ۔ وفاقی وزیر آکھیا جو کانفرنس دا ا نعقاد وقت دی اہم لوڑ ہے ۔کیونجو ایں کانفرنس دا مقصد سارے مکتبہ ہائے فکر دے مسلماناں کوں متحد کرنڑ ہے۔ انہاں آکھیا جو اے کانفرنس ساری دنیا دے مسلماناں اتے پاکستان کیتے سنگ میل دی حیثیت رکھیندی ہے ۔ انہاں آکھیا جو شرپسند عناصر اتے اسلام دشمن طاقتاں اسلام دا ناطہ شدت پسندی نال جوڑنڑ کیتے کوشاں ہن ایں سانگے اساکوں ساریاں کوں مسلماناں اتے ساریاں پاکستانیاں دا فرض ہے جو او انہاں اسلام مخالف عناصر دا ڈ ٹ تے مقابلہ کرن۔ انہاں آکھیا جو اساکوں اسلام دے امن پسند ہونڑ دا مثبت تاثر پیش کرنڑ کیتے متحد تھی ونجنڑاں چاہیدے ۔ وفاقی وزیر برائے مذہبی امور دہشت گردی دے خلاف جنگ اچ پاک فوج دیاں قربانیاں اتے کوششاں دی تعریف کیتی ۔ انہاں آکھیا جو مشائخ اسلام دی کمیٹی پہلی کونسل جئیں سارے مکتبہ ہائے فکر کو ں متحد کیتے اتے مسلماناں دی رہنمائی اتے اتحاد کیتے انہاں کوں ہک ہی صفحے اُتے گھن آئی ہے ۔