اسلام آباد ۔ 21 جنوری (اے پی پی) وفاقی وزیر منصوبہ بندی ،ترقی واصلاحات احسن اقبال آکھے جو پی آئی اے کوں عالمی معیار دی ائیر لائن بنڑاونڑ کیتے واضح اتے صاف سوچ ، میرٹ اُتے عملدرآمد ، انسانی وسائل دی ترقی اُتے توجہ اتے احتساب لازم ہے،پی آئی دی انتظامیہ اتے ملازمین کولوں ادارے دی حالت چنگی کرنڑ دا اے اخیری موقع ہے ۔ اے گالہیں انہاں پی آئی اے اچ اصلاحات دی نگرانی سانگے قائم خصوصی کمیٹی دے اجلاس نال الیندے ہوئیں کیتا۔ ایں موقعے تے زبیر عمر ، طارق باجوہ اتے سیکریٹری سول ایوی ایشن اتھارٹی کمیٹی کوں بریفنگ ڈتی۔ وفاقی وزیر آکھیا جو پی آئی آے کوں ہک اتے بئی سٹیل ملز بنڑنڑ دی اجازت کائناں ڈتی ویسی ۔ ایئرلائن دے مضبوط بنیادی اصول ہن ، جڈانجو ایندے باوجودایں کوں نقصان دا سامنڑاں ہے ۔ انہاں آکھیا جو ماضی اچ ادارے کوں سیاست دی نذرکیتا گئے ، جیہڑا جو ادارے دی تباہی دی وڈی وجہ بنڑ گئے ۔ انہاں آکھیا جو واضح روڈ میپ اتے بزنس ماڈل دے بغیر ادارے دی بحالی دے حوالے نال کئی کامیابی حاصل کائنی کیتی ونج سگدی ۔ ادارے اچ ہر سطح اُتے احتساب کو ںلازم قرار ڈتا ونجے ۔ ادارے دی کاکردگی دا مسلسل جائزہ گھنڑ لازمی ہے ۔ انہاں آکھیا جو سال 2017 پی آئی اے دی بحالی دا سال ہوسی ، پی آئی اے دی مالی حالت اتے ادارے اچ بہتری گھن آئی ویسی انہاں آکھیا جو ادارے دی بہتری کیتے ٹھوس ماسٹر پلان دی لوڑ ہے ۔ اعلیٰ انتظامیہ ادارے دی بحالی کیتے 26 جنوری تئیں ڈو سال دا جامع ابتدائی پلان تیار کرے ۔انہاںآکھیا جو اے پلان وزیر اعظم دے سامنڑیں پیش کیتا ویسی ،
