اسلام آباد ۔ 25 جنوری (اے پی پی) وفاقی وزیر منصوبہ بندی تے ترقی احسن اقبال آکھیا جو ٹرانسپیرنسی انٹرنیشنل دی اجوکی رپورٹ دے مطابق پاکستان کرپشن دی روک تھام اتے خاتمہ سانگے کارکردگی اچ 9درجے بہتری حاصل کیتی اے،جنوبی ایشیاء اچ پاکستان کلھا ملک اے جئیں کرپشن دے خلاف اقدامات اچ بہتری کیتی اے ،اجوکی حکومت منظم اتے موثر اقدامات پاروں گزریل ترائے سالیں اچ متواتر بہتری آئی اے پاکستان کرپٹ ترین ملکاں دی فہرست توں نکل کراہیں ایمرجنگ معیشتاں اچ شامل تھی گئے ،آندے سال تئیں معاشی ترقی دی رفتار کوں 6فیصد تئیں گھن آونڑ اچ کامیاب تھی ویسوں۔ملک اچ بنیادی ڈھانچے دی بہتری اتے ترقی تے ہک کھرب روپے خرچ کیتے ویندے پئن ،سال2018ء تئیں بجلی دے قومی نظام اچ بئی 11ہزار میگاواٹ بجلی شامل تھی ویسی،حکومت ایجھے منصوبے جیڑھے جو سفید ہاتھی بنڑ گئے ہن انہاں کوں سفید گھوڑا بنڑا کراہیں ملکی ترقی اتے چنگائی سانگے بروئے کار لاتے ۔نواں اسلام آباد ایئرپورٹ ایں سال اگست اچ پورا تھی ویسی،کچھی کینال دا منصوبہ ایں سال پورا کر گھنسوں۔نیلم جہلم پراجیکٹ وی ایں سال تئیں پورا کر گھدا ویسی۔اے گالھیاں انہاں بدھ کوں پریس کانفرنس نال خطاب کریندیں ہوئیں آکھی۔
