وژن2025اچ اقتصادی ترقی دا ہدف 7توں8فیصد رکھیا گھئے ،،وفاقی وزیر پروفیسر احسن اقبال

اسلام آباد ۔ 10 جنوری (اے پی پی) وفاقی وزیر منصوبہ بندی، ترقی تے اصلاحات پروفیسر احسن اقبال آکھیا جو جدید ٹیکنالوجی دے ذریعے جدت اتے صنعتی انقلاب حکومت دے اہداف ہن ،مقابلے دی فضا سانگے جدید معیار کوں اپناونڑاں پمسی،وژن2025اچ اقتصادی ترقی دا ہدف 7توں8فیصد رکھیا گھئے۔اے گالھیں انہاں منگل کوں معیارات اتے جدت تے ورکشاپ نال خطاب کریندیں ہوئیں آکھی۔وفاقی وزیر آکھیا جو سی پیک چینی تحفہ اے جئی نال انڈسٹری ترقی کریسی۔انہاں آکھیا جو بہتر کارکردگی ،معیار اتے جدت،معاشی ترقی سانگے اہم حیثیت رکھیندن ۔انہاں2017ء کوں بین الاقوامی مارکیٹ اچ بہتر کارکردگی ،معیار اتے جدت دا سال قرار ڈیندیں ہوئیں آکھیا جو ایں سال چنگا کم کرنڑ دی لوڑھ اے۔