پاکستان مسلم لیگ(ن) دے رہنما دانیال عزیز دی میڈیا نال گالھ مہاڑ

اسلام آباد۔ 19 جنوری (اے پی پی)پاکستان مسلم لیگ(ن) دے رہنما دانیال عزیز آکھیا جو پانامہ کیس وانگوں عمران خان اتے جہانگیر ترین دے خلاف کیساں دی سماعت وی روزانہ دی بنیاد تے تھیونڑیں چاہید ہے ۔پاناما پیپر ز اچ وزیراعظم نواز شریف دا ناں کائنی ،تحریک انصاف بی بی سی دی پرانڑیں رپورٹ کوں تروڑ مروڑ تے پیش کرنڑ دی کوشش کریندی پئی ہے ۔خمیس کوں سپریم کورٹ دے باہروں میڈیا نال گالھ مہاڑ کریندے ہوئیں انہاں آکھیا جو وزیراعظم نواز شریف کہیں قسم دی غلط بیانی کائنی کیتی ۔انہاں آکھیا جو الیکشن کمیشن اچ غلط اثاثے بنڑاونڑ دا کیس عمران خان اتے جہانگیر ترین دے خلاف وی ہے ،اصولی طور تے سارے کیساں دے فیصلے سانگے ہک طریقہ کار اپناونڑ دی ضرورت ہے ۔