پاکستان مشکلات دے باوجود 2016 اچ سیاسی،معاشی، اقتصادی اتے معاشرتی میدان اچ کامیابیاں حاصل کیتیاں،سینیٹر لیفٹیننٹ جنرل (ر) عبدالقیوم

اسلام آباد ۔ 2 جنوری (اے پی پی) مسلم لیگ (ن) دے رہنماتے سینیٹر لیفٹیننٹ جنرل (ر) عبدالقیوم آکھیا جو پاکستان 2016 اچ مشکلات دے باوجود سیاسی،معاشی، اقتصادی اتے معاشرتی میدان اچ کامیابیاں حاصل کیتیاں ہن۔ ریڈیو پاکستان نال گالھ مہاڑ کریندے ہوئیں انہاں آکھیا جو پاکستان مسلم لیگ ن دے برسر اقتدار امدے ہی ملک اچ دہشت گردی تے توانائی سمیت مختلف بحراناں اچ جکڑیا ہویا ہا تے موجودہ حکومت دیاں پالیسیاں دی بدولت 2016اچ اوکھ دے با وجودسیاسی،معاشی، اقتصادی اتے معاشرتی میدان اچ لاتعدادکامیابیاں حاصل تھیاں ۔انھاں آکھیا جو گزریل دورا چ ملک توانائی بحران اچ جکڑیا ہویا ہا ایندے با وجود صنعتاں کوں بلا تعطل بجلی ڈتی گی وزیر اعظم محمد نواز شریف دیاں کاوشاں نال نویں توانائی پراجیکٹس دا اجراء کیتا گیا جیں نال لوڈشیڈنگ اچ کافی حد تئیں گھٹکی آئی ہے تے اگلے سال تئیں لوڈشیڈنگ تے پورا قابو پا گھدا ویسی ۔