لاہور۔27 جنوری (اے پی پی )صوبائی وزیر کوآپریٹو و چیئرمین چولستان ڈویلپمنٹ اتھارٹی ملک محمد اقبال چنڑ آکھیا جو چولستان دی عوام دی امنگاں دے مطابق ترقیاتی منصوبے ریکارڈ مدت اچ جلدی پورے کر گھدے ویسن۔انہاں آکھیا جو چولستانیاں دی اوکھ کوں دور کرنڑ اتے انہاں کوں ہر قسم دی سہولتاں ڈیونڑ سانگے ترقیاتی سکیماں شروع کیتی ویندی پئین ۔وزیر اعلیٰ پنجاب دی ہدایت تے چولستان اچ40کروڑ روپے توں ودھ دی لاگت نال چولستان دی سڑکاں اتے بئے ترقیاتی منصوبیاں کوں پورا کیتا ویندا پئے ۔ایں بارے عملی کم شروع تھی گئن ۔اے گالھیں انہاں کیمپ آفس اچ چولستانیاں دے وفد نال ملاقات کریندیں ہوئیں آکھی۔وفد اچ آکھیا گئیا جو چولستان جنوبی پنجاب دا اہم ترین خطہ اے جیڑھا جو پورے ڈویژن اچ کھنڈیا ہوئیا اے۔اتھاں دے رہنڑ آلیاں کوں احساس کمتری توں کڈھنڑ ویلھے دی لوڑھ اے۔
