چین دے سفیر سن وی ڈونگ دی قومی سلامتی دے مشیر لیفٹیننٹ جنرل (ر)ناصر خان جنجوعہ نال ملاقات

اسلام آباد ۔ 24 جنوری (اے پی پی) پاکستان اچ چین دے سفیر سن وی ڈونگ چینی باشندیاں دی سکیورٹی کوں یقینی بنڑاونڑ اتے دہشت گردی دے خلاف جنگ اچ پاکستان دی کاوشاں کوںسراہندیں ہوئیں آکھیا جو ایجھے اقدامات نال خطے اچ اقتصادی سرگرمیاں اچ ودھارا تھیسی۔اے گالھ انہاں منگل کوں آپنڑی ٹیم دے رلے قومی سلامتی دے مشیر لیفٹیننٹ جنرل (ر)ناصر خان جنجوعہ نال ملاقات کریندیں ہوئیں آکھی۔ڈوہاں فریقین چینی باشندیاں دی سکیورٹی بارے معاملیاں سمیت ڈو پاسہ تعلقات دے معاملیاں تے گالھ مہاڑ کیتی گئی۔انہاں ایں موقع تے آپنڑی حکومت ولوں سی پیک سانگے سکیورٹی انتظامات تے وی اطمینان کیتا۔قومی سلامتی دے مشیر آکھیا جو سی پیک پاک چین دوستی کوں بئیا مستحکم کرنڑ اچ سنگ میل دی حیثیت رکھیندے ۔