گزریل سال امن و امان تے توانائی دی صورتحال بہتر ‘ معاشی تے اقتصادی اعشاریئے مثبت ریہے اتے جمہوریت مستحکم تھئی ، وفاقی وزیر صنعت و تجارت انجینئر خرم دستگیر خان

لاہور۔28 جنوری (اے پی پی )وفاقی وزیر صنعت و تجارت انجینئر خرم دستگیر خان آکھے جو گزریل سال پاکستان دی مجموعی ترقی کیتے انتہائی موزوں ریہا جیندے اچ امن و امان بحا ل تھئے ، ،توانائی بحران اُتے قابو پاتاگئے ، معاشی تے اقتصادی اعشاریئے مثبت ریہے ،سی پیک دے ذریعے پاکستان دا عالمی دنیا دے نال جڑنڑ دے علاوہ ودھ سارے چیلنجز دے باوجود جمہوریت بئی مستحکم تھئی ، پاکستان دے ستر سال پورے تھیونڑ اُتے عالمی مہم شروع کیتی ویسی ، جیندے اچ دنیا کوں ڈسایا ویسی ، جو پاکستان دے امیج اچ ہرطرح نال بہتری آئی ہے،وزیر اعظم ولوں ایکسپورٹر ز کیتے 18 ارب روپے دے پیکیج دے ذریعے ساری دنیا اچ پاکستانی برآمددا حجم ودھاونڑ اچ مدد ملسی ۔ آزاد تجارتی معاہدیاں اُتے تنقید اتے بحث مُک ونجنڑ یں چاہیدی ہے کیونجو سری لنکا ،ملائشیا،چین سمیت بئے ملکاں نال معاہدیاں دے نتیجے اچ ملکی برآمدات اچ 2توں 4گنا ودھارا تھئے ، پاکستانی چمڑا ساری دنیا اچ ملک دی سنجانڑ ہے ۔ عالمی منڈی اچ آپنڑیں شناخت برقرار رکھنڑ کیتے برآمد کنندگان لیدر مصنوعات اُتے میڈ ان پاکستان دی مہر لیسن ۔ اجتماعی مالی معاملیاں دی بہتری اچ ایف بی آر آپنڑاں بھرپور کردار ادا کیتے ۔ اوچھنڑ چھنڑ کوں ایکسپو سینٹر اچ ٹریڈ ڈویلپمنٹ اتھارٹی آف پاکستان ولوں تریجھے ” پاکستان میگا لیدر شو 2017ئ” دی تقریب نال خطاب کریندے پئے ہن ۔ ایں موقعے تے ٹریڈ ڈویلپمنٹ اتھارٹی دے چیئر مین ایس ایم منیر ،ٹریڈ ڈویلپمنٹ اتھارٹی دے ڈائریکٹر جنرل میاں ریاض احمد ،پاکستان ٹینریز ایسوسی ایشن دے چیئر میں انجم ظفر ،پاکستان فٹ وئیر مینوفیکچرر ایسوسی ایشن دے چیئر مین جاوید اقبال صدیقی،چیئر مین لیدرگارمنٹس عاطف اشرف ،صدر ایف پی سی سی آئی زبیر طفیل،ڈپٹی ایمبسڈر یورپی یونین اتے وسیم زکریا سمیت بئے وی موجود ہن ۔ وفاقی وزیر آکھیا جو آزاد تجارتی معاہدیاں اُتے تنقید اتے بحث مُک ونجنڑیں چاہیدی ہے کیونجو ایں ویلے تئیں سری لنکا،ملائشیا،چین سمیت بئے ملکاں دے نال آزاد تجارتی معاہدیاں دے نتیجے اچ اساڈیاں برآمدات اچ بہوں سارا ودھارا تھئے ۔ آزاد تجارتی معاہدیاں اساکوں دنیا دے نال جوڑا ہے ۔انہاں آکھیا جو وزیر اعظم ایکسپوٹر ز کیتے جیہڑے پیکج دا اعلان کیتے ، ایندے نال ساری دنیا اچ پاکستان دی برآمدات اچ ودھار ا تھیسی ۔ انہاں آکھیا جو وزیر اعظم محمد نواز شریف اتے وفاقی وزیر خزانہ اسحاق ڈار دیاں اقتصادی پالیسیاں پاروں پاکستان دی ریٹنگ بہتری آلے پاسے ویندی پئی ہے ۔ انہاں آکھیا جو ایں سال ملک اچوں توانائی بحران کوں مکایا ویسی ۔