اسلام آباد ۔ 22 فروری (اے پی پی) مسلم لیگ (ن) دی رہنما مائزہ حمید آکھیا جو عمران خان نیب اتے ایف بی آر دے سامنڑے دھرناڈیونڑچاہندے ہن ، دھرنیں، کاغذ اتے ردی دے ٹکڑیں تے فیصلے کائنی تھیندے،الزاماں دے ثبوت پیش کرنڑے ہوسن ،نواز شریف عوام دے وزیر اعظم ہن تے اے عوام دا کیس ہے ۔ سپریم کورٹ دے باہروں میڈیا نال گالھ مہاڑ کریندے ہوئیں انہاں آکھیا جو وزیر اعظم محمد نواز شریف تاریخ دے او وزیراعظم ہن جنھاں اپنڑے آپ اتے اپنڑیاں ترائے نسلاں کوں احتساب سانگے پیش کر ڈتا ہے ۔وزیر اعظم خود کوں عدالت اچ پیش کیتا ہے کیوںجو انہاں دا دامن صاف ہے اتے الزام او لیندے پے ہن جنہاں دا دامن داغدار ہے۔ مائزہ حمید آکھیا جو عمران خان الزام لیندے پے ہن انہاں کوں ثبوت پیش کرنڑے ہوسن ۔انہاں آکھیا جو عمران خان اداریں تے دباﺅ پاونڑ دی کوشش کریندے پے ہن او نیب تے ایف بی آر دے سامنڑے دھرنے ڈیونڑ چاہندے ہن ۔دھرنیں کاغذ تے ردی دے ٹکڑیں تے مرضی دا فیصلہ کائناں ملسی ۔ مسلم لیگ (ن) دی رہنما عمران خان دے ہک بیان دا جواب ڈیندے ہوئیں آکھیا ہے جو سپریم کورٹ دے باہر ارکان اسمبلی وزیر اعظم دے کیس دا دفاع نی کریندے پے اساں سیاسی کارکن ہوں ۔وزیراعظم محمد نواز شریف عوام دے وزیراعظم ہن تے اے کیس عوام دا کیس ہے اساں انشاءاللہ کیس جت تے گھن ویسوں ۔