اسلام آباد۔ 22 فروری (اے پی پی) مسلم لیگ (ن) دے رہنما دانیال عزیزآکھیا جو عمران خان تے جہانگیر ترین پاکستان دی تاریخ دے او ڈو سیاستدان ہن جنہاں کرپشن دا عتراف کیتا ہے ،عمران خان خیبر پختونخوا اچ 120ڈینھ دے دوران احتساب کر تے ڈکھاون ،وزیراعظم نواز شریف دا ناں پاناما پیپرز اچ کائنی ،اساں سر جھکا تے عدالت اچ احتساب سانگے پیش تھی گیوں ۔سپریم کورٹ دے باہروں میڈیا نال گالھ مہا ڑ کریندے ہوئیں انہاں آکھیا جو او رہنما نیب دی کاروائی دے خلاف ودھ ودھ تے بیان ڈیندے ے ہن جنہاں اپنڑی گریبان اچ جھانک تے نی ڈٹھا ۔نیب دے چیئر مین کوں تبدیل کرنڑ دا اختیار وزیراعظم ڈے ہے نہ ہی نیب حکومت دے اشاریں تے کم کریندی پئی ہے ۔انہاں آکھیا جو نیب دے چیئر مین کوں تبدیل کرنر تے بر طرف کرنڑ دا اختیار نیشن ججاں دے کمیشن ڈے ہے ،دانیا عزیز آکھیا جو نیب آزادہ ادارہ ہے اپنڑے انداز اچ کم کریندا پیا ہے ۔