اسلام آباد ۔ 22 فروری (اے پی پی) وزیر داخلہ چوہدری نثار علی خان پورے ملک دے مختلف علاقیاں اچ دہشت گردی دے اجوکے واقعیان پاروں سکیورٹی چیلنجاں نال نبڑنڑ سانگے اتے جڑواں شہراں اچ شہریاں دے تحفظ اتے سلامتی کوں یقینی بنڑاونڑ سانگے پولیس انتظامیہ کوں حکم ڈتے جو جڑواں شہراں دی پولیس اتے انتظامیہ لوکاں دی جان تے مال دی تحفظ سانگے چنگی انٹیلی جنس رابطیاں نال ودھیکی نگرانی اتے سائنسی طریقہ کار اختیار کرن۔انہاں آئی سی سٹی اتے راولپنڈی انتظامیہ کوں ہدایت کیتی اے جو مختلف بس سٹینڈز،گیسٹ ہائوسز اتے ہوٹلاں دی ودھیکی نگرانی کیتی ونجے تانجو مختلف علاقیاں توں آونڑ آلے بندے کہیں وی مشکوک نقل و حرکت تے کڑی نگاہ رکھی ونج سگے۔اجلاس اچ سیکرٹری داخلہ، سیکٹر کمانڈر پنجاب رینجرز، اسلام آباد اتے راولپنڈی دے چیف کمشنرز، آئی جی اسلام آباد، آر پی او راولپنڈی اتے کیپٹل سٹی اتے راولپنڈی دے سینئر انتظامی اتے پولیس حکام شریک تھیے۔
