گزریل 24گھنٹے دے دوران ساریں توں ودھ مینھ راولا کوٹ اچ وسیا ،محکمہ موسمیا ت
اسلام آباد ۔ 22 فروری (اے پی پی) محکمہ موسمیات دے مطابق آندے 24 گھنٹے دے دوران ملک دے ودھ سارے علاقیں اچ موسم رکھا رہسی ۔رپورٹ دے مطابق گزریل 24گھنٹے دے دوران ملک دے ودھ سارے علاقیں اچ موسم رکھا رہیا تاں جو راولپنڈی ،ہزارہ ڈویژن تے کشمیر دیاں کجھ جہیں تے مینھ وسیا تے پہاڑاں تے برف پئی ساریں توںودھ مینھ راولا کوٹ اچ 10ملی میٹر ،، گڑھی دوپٹہ ہک، کاکول 4 تے مری اچ ہک ملی میٹر بارش ریکارڈ کیتی گئی۔بدھ کوں ریکارڈ کیتی گی ٹھڈی جاہ دے درجہ حرارت دی رپورٹ دے مطابق کالام اچ درجہ حرارت منفی06 ڈگری سینٹی گریڈ، پارہ چنار،گوپس منفی 5، استور منفی 4،دیر، مالم جبہ منفی3، قلات راولاکوٹ اتے بگروٹ اچ منفی2 ڈگری سینٹی گریڈ ریکارڈ کیتا گیا ہے۔
