اسلام آباد ۔ 24 فروری (اے پی پی) محکمہ موسمیات دے مطابق آندے 24 گھنٹے دے دوران ملک دے ودھ سارے علاقیں اچ موسم رکھا رہسی تاں جو کوئٹہ ڈویژن اچ ہک ڈو جہیں تے ہلکا مینھ وسنڑ دا امکان ہے ۔رپورٹ دے مطابق گزریل 24گھنٹے دے دوران ملک دے ودھ سارے علاقیں اچ موسم رکھا رہیا ۔جمعے کوں ریکارڈ کیتے گئی ملک دی ٹھڈی ترین جاہ دے درجہ حرارت دی رپورٹ دے مطابق کالام اچ درجہ حرارت منفی8 ڈگری سینٹی گریڈ، گوپس، استور منفی5، پارہ چنار منفی 4، دیر، ہنزہ، مالم جبہ، بگروٹ منفی 3، سکردو، قلات اتے راولاکوٹ اچ منفی 2 ڈگری سینٹی گریڈ ریکارڈ کیتا گیا۔
