افغان سفارتخانے دے حکام جی ایچ کیو طلب ، پاکستان اچ دہشت گردی سانگے افغان سرزمین دے استعمال تے احتجاج

راولپنڈی ۔ 17 فروری (اے پی پی)افغان سفارتخانے دے حکام کوں جمعہ دی سویل جی ایچ کیو راولپنڈی سڈ کراہیں پاکستان اچ دہشت گردی سانگے افغان سرزمین دے استعمال تے احتجاج کیتا گئیا اتے 76انتہائی مطلوب دہشت گرداں دے فہرست انہاں دے حوالے کیتی گئی۔ڈی جی آئی ایس پی آر میجر جنرل آصف غفور دی ٹویٹ دے مطابق افغان سفارتخانے دے حکام کوں آکھیا گئیا جو انہاں دہشت گرداں دے خلاف فوری کاروائی کیتی ونجے یا انہاں کوں اساڈے حوالے کیتا ونجے۔