اسلام آباد ۔ 26فروری(اے پی پی)اقتصادی تعاون تنظیم (ای سی او) کانفرنس یکم مارچ کوںاسلام آباد شروع تھیسی ۔ ایں حوالے نال سینئر حکام(ایس او ایم) دا اجلاس اتوار کوں اتھاں سیکرٹری خارجہ اعزاز چوہدری دی صدارت اچ تھیسی۔ ایس او ایم دے اجلاس توں خطاب کریندے ہوئیں اعزاز چوہدری آکھیا جو پاکستان تنظیم دے رکن ملکاں نال اپنڑے تعلقات دا ودھارا چاہندا ہے ۔جیں نال باہمی تعاون اتے تجارتی رابطے کوں مزید بہتر بنڑایا ونج سگدا ہے ۔انہاں آکھیا جو ای سی او نال روزگار دے موقع پیدا کرنڑ ،رابطے اچ چنگائی تے خطے دی مجموعی ترقی تے خوشحالی اچ مدد مل ویسی ۔اجلاس دے شرکا ءدا استقبال کریندے ہوئیں اعزاز چوہدری آکھیا جو اجوکے سال کانفرنس دا موضوع نہ صرف ای سی او دے ممبر ملکاں بلکہ پورے خطے سانگے بہوں اہم ہے ۔انہاں آکھیا جو پاک چین اقتصادی راہداری (سی پیک ) خطے سانگے گیم چینجر ثابت تھیسی ایندے نال رلیے بئے رستیں نال نہ صرف پاکستان اتے چین اچ خوشحالی آسی بلکہ ایندے نال خطے دے بئے ملکاں کوں وی فائدہ تھیسی
