اسلام آباد ۔ 18فروری(اے پی پی)نیشنل ہائی ویز اتھارٹی (این ایچ اے) گزریل ترائے سالیں اچ ملک اچ موٹرویز اتے ہائی ویز دے 15منصوبے پورے کیتے ہن ۔ این ایچ اے دے ترجمان کاشف زمان چھنڑ چھنڑ کوں اے پی پی نال گالھ مہاڑ اچ ڈسایا جو دسمبر 2016ءاچ بسمہ ، ناگ ، پنجگور اتے حوشاب ہائی وے (این85)کو ں18.6ارب روپے دے خرچ نال پورا کیتا گئے ، اے منصوبہ 2007ءاچ شروع تھیا ہئی۔ انہاں آکھیا جو فروری 2016ءاچ 193کلو میٹر گوادر حوشاب سیکشن (ایم 8)دا باقی کم 13ارب روپے دے خرچ نال پورا کیتا گئے ۔ ایں طرح قلات ، کوئٹہ اتے چمن 111کلو میٹر طویل شاہراہ کو ںدسمبر 2016ءاچ پورا کیتا گئے ۔ ترجمان ڈسایا جو سال 2015ءاچ ملتان – فیصل آباد موٹر وے دے ڈو سیکشن پور ے کیتے گئے ہن ۔ ایں طرح خانیوال توں ملتان 56کلو میٹر طویل سیکشن کو ںمارچ 2015ءاچ 12ارب روپے دی لاگت نال اتے نومبر 2015ءاچ فیصل آباد گوجرہ سیکشن کو ں9.6ارب روپے دی لاگت نال پورا کیتا گئے ۔ انہاں ڈسایا جو گزریل سال دے دوران این ایچ اے ہک بئے اہم منصوبے کوںپورا کیتے اتے 6.3ارب روپے دی لاگت نال قراقرم ہائی وے دے 144کلو میٹر طویل (رائے کوٹ) توں (تھا کوٹ سیکشن ) دا درجہ ودھایا ہے ۔ ایں توں پہلے قراقرم ہائے وے دے خنجراب ، رائے کوٹ سیکشن کو ںنومبر 2013ءاچ 5.1ارب اتے ستمبر 2015ءاچ 27.5ارب روپے دی لاگت نال عطاءآباد ٹنل دا منصوبہ پورا کیتا گئے ۔ ترجمان آکھیا جو اتھارٹی ملک اچ موٹرویز اتے ہائی ویز دے کئی ترقیاتی منصوبیاں تے کم کریندی پئی ہے جیندے نال ملک اچ آمدورفت دے ذرائع اتے بنیادی ڈھانچے دے شبعے دی ترقی اچ مدد ملسی ۔
