اسلام آباد ۔ 08 فروری (اے پی پی) پاکستان آکھے جو جموں و کشمیر دے تنازعے کوں حل کرنڑ توں انکار رکر تے بھارت خطے دی ڈیڈھ ارب آبادی کوں امن تے خوشحالی توں محروم کرڈتے۔ کشمیر اقوام متحدہ دی سلامتی کونسل دے ایجنڈے اُتے ہک دیرینہ تنازعہ ہے۔8جولائی 2016کو ںبرہان وانی دی ماورائے عدالت شہادت دے بعد مقبوضہ کشمیر اچ بھارتی مظالم اچ بے پناہ ودھارا تھئے ۔ دفتر خارجہ دے ترجمان دے مطابق اے گالہیں ایڈیشنل سیکرٹری(یو این و یورپین کمیشن)یوم یکجہتی کشمیر دے تناظر اچ بدھ کوں دفتر خارجہ اچ غیر ملکی سفیراں کوں مقبوضہ کشمیر اچ انسانی حقوق دی تیزی نال وگڑدی ہوئی صورتحال بارے بریفنگ ڈیندے ہوئیں آکھیاں۔ ایڈیشنل سیکرٹری غیر ملکی سفیراں کوںیوم یکجہتی کشمیر دے پس منظر اتے پاکستان دی کشمیریاں دے حق خود ارادیت کیتے اخلاقی،سفارتی اتے سیاسی حمایت توں آگاہ کریندے ہوئیں آکھے جو جموں و کشمیر دا مسئلہ اقوام متحدہ دی سلامتی کونسل دے ایجنڈے اُتے ہک دیرینہ تنازعہ ہے جیندے اُتے متعلقہ قرارداداں اُتے ایں ویلے تئیں عملدرآمد کائنی تھیا۔ انہاں آکھیا جو 8 جولائی 2016 کو ںبرہان وانی دی ماورائے عدالت شہادت دے بعد مقبوضہ کشمیر اچ بھارتی ریاستی دہشت گردی اچ ودھارا تھئے ۔ بھارت ولوں اجوکی بربریت پاروں 150توں ودھ کشمیری شہید اتے 20 ہزار توں ودھ زخمی تھی گئے ہن جڈانجو ہتھوں خالی کشمیری عوام بشمول بالیں اتے تریمتیں دے خلاف پیلیٹ گنز دے استعمال نال ہزاراں کشمیریاں دی بینائی متاثر تھئی ہے ۔
