اسلام آباد۔ 25 فروری (اے پی پی) مشیر خارجہ سرتاج عزیز آکھیا ہے جو اقتصادی تعاون تنظیم(ای سی او )سربراہ اجلاس یکم مارچ (بدھ)کو ںاسلام آباد اچ تھیسی۔رکن ملکاں اعلیٰ سطح سربراہ اجلاس اچ شرکت دی یقین دہانی کرائی ہے۔ای سی او سربراہ اجلاس دامرکزی خیال علاقائی رابطہ ہے۔ دہشت گردی دے اجوکے واقعات نال سربراہ اجلاس کوں کوئی خطرہ کائنی،کانفرنس دی سیکیورٹی سانگے سخت انتظامات کیتے گے ہن ۔بھارت دیاں پاکستان کوں کلہا کرنڑ دیاں کوششاں ناکام تھی گیاںہن ۔ہفتے کوں اتھاں اقتصادی تعاون تنظیم دے آندے سربراہ اجلاس متعلق صحافیاں کوں بریفنگ ڈیندے ہوئیں مشیر خارجہ آکھیا جو دہشت گردی دے اجوکے واقعات نال سربراہ اجلاس کوں کوئی خطرہ کائنی ۔انہاں آکھیا جو ایں قسم دے واقعات نال اجلاس رکدے کائنی ۔حکومت کانفرنس دی سیکورٹی سانگے سخت انتظامات کر رکھیے ہن ۔کانفرنس دے انعقاد نال پوری دنیا تے مثبت تشخص نشابر تھیسی ۔
