دہشت گرد کارروائیاں ملک دشمن عناصر دی کارستانی ہے، پی ایس ایل دے فائنل دا فیصلہ سوچ سمجھ تے کیتا ویسی‘انجینئر بلیغ الرحمن

اسلام آباد ۔ 14 فروری (اے پی پی) وزیر مملکت تعلیم ‘ تربیت تے داخلہ انجینئر محمد بلیغ الرحمن آکھیا ہے جو پی ایس ایل دے فائنل دا فیصلہ سوچ سمجھ تے کیتا ویسی ‘ دہشت گرد کارروائیاں ملک دشمن عناصر دی کارستانی ہے ‘کہیں وی سازش کوں کامیاب نہ تھیونڑ ڈیسوں۔ منگل کوں او قومی فورم غیر رسمی تعلیم دی افتتاحی تقریب دے بعد میڈیا نال گالھ مہاڑ کریندے پے ہن۔ایں موقع تے انہاں آکھیا جو اساڈے سکیورٹی اداریں بے پناہ قربانیاں دے بعد بہوں حد تئیں دہشت گردی تے قابو پا گھدا ہے ۔دھماکیں دی تعداد اچ چنگی گھٹکی تھی ہے ۔انہاں آکھیا جو دہشت گردی دے اجوکے واقعات ملک دشمن عناصر دی کارستانی ہے ،کہیں وی ساز ش کوںکامیا ب نہ تھیونڑ ڈیسوں ۔ہک سوال دے جواب اچ انہاں آکھیا جو پی ایس ایل دے فائنل دا فیصلہ سوچ سمجھ تے کیتا ویسی ۔انہاں آکھیا وج غیر کھلاڑیاں تے بئے لوکاں کوں پورا تحفظ ڈتا ویسی ۔ملک اچ سیکورٹی دے حالات اچ چنگی گھٹکی تھی ہے ۔لاہور دھماکے جیہوجے واقعات اساڈے عزم کوں کچا نی کر سگدے ۔باہرلے ملک پاکستان دے تشخص اچ چنگائی تھی ہے ۔ غیر ملکی سرمایہ کار پاکستان اچ سرمایہ کاری کوں ترجیح ڈیندے پئے ہن ۔