رحیم یار خان۔17 فروری(اے پی پی )سانحہ لعل شہباز قلندر اچ جاں بحق تھیونڑ آلے تحصیل خان پوردے نیڑے دے علاقے علاقے ججہ عباسیاں توں تعلق رکھنڑ آلے18سال دے نینگر محمد عمران دی نعش انہاں دے گھر پجی تاںکہرام مچ گئیا۔متوفی دی اماں اتے بہنوئی تے غشی دے دورے،ذرائع دے مطابق متوفی دا بڈھا پئیو آپنڑے نینگر پتر دی نعش ڈیکھ کراہیں حواس ونجا بیٹھے،ایں موقع تے ہر اکھ اچوں ہنجوں ہن ،یاد رہے جو گزریل ڈینھ ججاں عباسیاں توں ترائے بساں تے مشتمل زائرین دا قافلہ شہباز قلندر دے مزار تے حاضری ڈیونڑ گئیا ہئی ،سارے زائرین دعا منگنڑ دے بعد واپسی بساں اچ ونج بیٹھے جڈانجو محمد عمران اتے اوندا ڈوجھا ساتھی محمد شاہد دھمال ڈیکھنڑ سانگے رک گئے جو دھماکہ تھی گئیا۔دھماکے اچ 18سال دا نینگر عمران جاں بحق جڈانجو 22سالہ شاہد زخمی تھی گئیا۔
