اسلام آباد ۔ 16 فروری (اے پی پی) صدر مملکت ممنون حسین سیاسی کارکناں تے زور ڈتا جو او عام لوکاں نال رابطہ رکھن ،انہاں اے اعتماد دا اظہار کیتا جو سیاسی کارکن لوکاں دے مسئلے دے حل خصوصی طور پیونڑ دے صاف پانڑی ،صحت دی سہولتاں اتے معیار ی تعلیم دی فراہمی سانگے سارے کوششاں کریسن۔صدر اے گالھ ملتان توں صوبائی اسمبلی دے اراکین ہک وفد نال گالھ مہاڑ کریندیں ہوئیں آکھی جنہاں خمیس کوں اتھاں ایوان صدر اچ انہاں نال ملاقات کیتی،وفد دی قیادت ایم پی اے رانا محمودالحسن کریندے پئے ہن ۔انہاں آکھیا جو سیاسی کارکن عوام اچ بدعنوانی دی لعنت دے خاتمے سانگے شعور پیدا کرن۔وفد اراکین اچ صوبائی اسمبلی ملک مظہر عباس رانا ‘ رائے منصب علی خان ‘ رانا طاہر شبیر ‘ سلطانہ شاہین ‘ رانا شاہد الحسن اتے سابق ڈپٹی میئر ملتان محمد نعیم رفیق شامل ہن ۔
