کراچی ۔ 06 فروری(اے پی پی)صدر مملکت ممنون حسین آکھیا جو ملک اچ بجلی دی بھرپور پیداوار شروع تھی گئی اے،جئیں نال ترقی دا عمل تکھا تھیسی،ملک اچ اقتصادی سرگرمیاں زور پکڑیندی پئین،پاک چین اقتصادی راہداری نال ترقی دا سنگ میل ثابت تھیسی۔ایں بارے قوم کٹھی تھی ونجے تاں اتے ترقی دا سفر روکنڑ آلیاں کوں مسترد کر ڈیوے۔اے گالھ انہاں سنوار کوں اتھاں فوجی فرٹیلائزر دے بجلی گھر دی افتتاحی تقریب نال خطاب کریندیں ہوئیں آکھی۔اے بجلی گھر 118میگاواٹ بجلی پیدا کرنڑ دی صلاحیت رکھیندے اتے ایں پلانٹ کوں ماحول دوست بنڑاونڑ سانگے خصوصی اقدامات کیتے گئن ۔افتتاحی تقریب اچ گورنر سندھ محمد زبیر وی موجود ہن ۔صدر مملکت آکھیا جو توانائی بحران پاروں زرعی شعبہ متاثر تھیے اتے ملک اچ کھاد دی وی گھٹکی تھئی اے جڈانجو ہنڑ حالات چنگے ہن۔صدر مملکت آکھیا جو نجی ادارے وی بجلی دی گھٹکی پوری کرنڑ دے عمل اچ شریک تھی چکین ۔انہاں آکھیا جو اے چنگی گالھ اے جو فوجی فرٹیلائزر دے پلانٹ توں کراچی دے شہری وی فائدہ چیسن۔
