فاٹا اصلاحات پیکیج کابینہ دے آندے اجلاس اچ پیش کیتا ویسی ، وزیراعظم

اسلام آباد ۔ 09 فروری (اے پی پی) وزیراعظم محمد نواز شریف فاٹا اصلاحات پیکیج اچ دیر بارے قیاس آرائیاں کوں رد کریندے ہوئیں آکھے جو فاٹا اصلاحات پیکیج کابینہ دے آندے اجلاس اچ پیش کیتا ویسی ۔ خمیس کوں وزیراعظم آفس اچ گرین پاکستان مہم دے آغاز دے موقعے تے صحافیاں نال گالھ مہاڑ کریندے ہوئیں وزیراعظم آکھیا جو انہاں دی ہدایات اُتے سلیکٹ کمیٹی دے فاٹا دیاں ساریاں ایجنسیاں دے دوریاں سمیت سارے فریقین نال تفصیلی صلاح کیتی گئی ہے ۔ انہاں آکھیا جو حکومت فاٹا دے لوکیں کوں بااختیار بنڑاونڑ کیتے اتفاق رائے وضع کرنڑ کیتے اقدام کیتے ہن ۔ ایں بارے ساریاں بیاں گالہیں غلط ہن ۔