اسلام آباد ۔ 7 فروری (اے پی پی) قومی اسمبلی قومی کمیشن تریمت دی چیئرپرسن دی ریٹائرمنٹ دے 30 ڈینھ دے اندرنویں چیئرپرسن دے انتخاب دا بل متفقہ طور تے منظور کرگھدا۔ منگل کوں ایم کیو ایم دی رکن ڈاکٹر نکہت شکیل خان تحریک پیش کیتی جو قومی کمیشن مقام خواتین ایکٹ 2012اچ ترمیم کرنڑ دا بل قومی کمیشن مقام خواتین (ترمیمی) بل 2016 قائمہ کمیٹی دی رپورٹ کردہ صورت اچ وختی غور کیتا ونجے ۔ تحریک دی منظوری دے بعد انہاںبل ایوان اچ منظوری سانگے پیش کیتا جیں کوں متفقہ طورتے منظور کرگھدا گیا۔ این بل دے تحت قومی کمیشن تریمتاں دی چیئرپرسن دے سبکدوش تھیونڑ دے 30 ڈینھ دے اندر نویں چیئرپرسن دے انتخاب سانگے انتخابات کرائے ونج سگسن
