پروگراماں کوں چنگاں بنڑا تے پی ٹی وی دا عہد رفتہ واپس گھن آونڑ دے حوالے نال خصوصی کمیٹی قائم کرڈتی گی ہے، پورے ملک اچ دائرہ کار وسیع بنڑاونڑ سانگے وی بوسٹرز لاتے ویندے پن ، پی ٹی وی دے سارے سٹیشناں کوں اپ گریڈ کرنڑ سانگے 7 ارب روپے دے فنڈز دی ضرورت ہے،
اسلام آباد ۔ 7 فروری (اے پی پی) قومی اسمبلی پی ٹی وی دی کارکردگی کوں چنگاں بنڑاونڑ سانگے قرارداددی اتفاق رائے نال منظوری ڈے ڈتی ہے جڈاں جو پارلیمانی سیکریٹری اطلاعات و نشریات محسن شاہ نواز رانجھا ایوان کوں یقین ڈوایا جو پاکستان ٹیلی وژن دی کاکر دگی کوں چنگاں بنڑاونڑ سانگے حکومت چنگے اقدامات کریندی پئی ہے پی ٹی وی دے پروگراماںکوں چنگاں بنڑاتے پی ٹی وی دا عہد رفتہ واپس گھن آونڑ دے حوالے نال وی خصوصی کمیٹی قائم کر ڈتی گی ہے ،پی ٹی وی دے پروگراماں پورے ملک اچ دائرہ کار وسیع بنڑاونڑ سانگے بہوں سارے بوسٹرزلاتے ویندے پن ،پی ٹی وی دے سارے سٹیشناں کوں اپ گریڈ کرنڑ سانگے 7ارب روپے دے فنڈز دی ضرورت ہے ۔منگل کوں قومی اسمبلی اچ پی ٹی وی دی کاکردگی دے حوالے نال قرارداد تے جاری بحث کوں سنبھیندے ہوئیں پارلیمانی سیکر ٹری محسن شاہ نواز رانجھا آکھیا جو پاکستان ٹیلی ویژن دی تاریخ توں پورا ایوان آگاہ ہے۔ 2013ء اچ مسلم لیگ (ن) دی حکومت برسراقتدار آتے پی ٹی وی دی نشریات دا دائرہ کار ودھاونڑ سانگے چار بوسٹر لاتے ۔ پی ٹی وی نشریات پاکستان دے 90 فیصد علاقیں اچ ڈکھایاں ویندیاں ہن ۔ انہاں آکھیا جو پی ٹی وی دے پروگراماں کوں چنگاں بنڑاونڑ سانگے خصوصی کمیٹی بنڑائی گی ہے ۔پی ٹی دی دے 8چینل کم کریندے پے ہن ۔عالمی تے قومی تقریبات دے حوالے نال پی ٹی وی خصوصی نشریات دا اہتمام کریندا ہے ۔ایندے علاوہ چارے صوبیں دی ثقافت دے پروگرام ڈکھائے ویندے ہن تاں جو صوبیں وچال گھٹ جوڑ اچ ودھارا تھیوے ۔انہاںآکھیا جو پی ٹی وی تے چلنڑ آلے 24ڈرامے ان ہائوس پروڈکشن ہن ۔
