اسلام آباد ۔ 15 فروری (اے پی پی) مسلم لیگ (ن) دے رہنما دانیال عزیز آکھیا جو عمران خان دے بھجنڑ دے ڈینھ آ گئن اساں اوکوں پکڑ پکڑ کراہیں عدالت اچ پیش کریسوں اتے عوام دے سامنڑے انہاں دا چہرہ بے نقاب کریسوں۔سپریم کورٹ دے باہر میڈیا نال گالھ مہاڑ کریندیں ہوئیں انہاں آکھیا جو پی ٹی آئی پاکستان دی کلھی جماعت اے جئیں دے چیئرمین عمران خان اتے سیکرٹری جنرل جہانگیر ترین کرپشن دا اعتراف کر چکین ۔انہاں آکھیا جو عمران خان2012ء دا حساب ڈیونڑ کوں تیار کائنی اتے مسلم لیگ ن گزیل 50سالیں دا حساب ڈیندی پئی اے۔انہاں آکھیا جو مسلم لیگ(ن) دی قیادت کہیں قسم دا استثنیٰ حاصل کائنی کیتا،عمران خان اتے جہانگیر ترین کالے دھن دے اعتراف دے باوجود استثنیٰ منگدے پئن۔انہاں آکھیا جو ویلھا آ گئے جو ہنڑ کھیر دا کھیر اتے پانڑی دا پانڑی تھیونڑ آلا اے عمران خان کوں حساب ڈیونڑاں پوسی۔
